පියයුරු කුඩා කරගැනීම සඳහා රුපියල් දෙලක්ෂයකට පොරොන්දුවී රුපියල් 50,000 ක් ගෙවා කැළණියේ වෛද්‍යවරයකුගේ ගෙදරදී සැත්කමක් කරවා ගත් බව කියන කාන්තාව (41) කොළඹ ජාතික රෝහලට ඇතුළුවූ බව රෝහල් ආරංචි කියයි.

එම කාන්තාව පියයුරුවලින් සැරව ගලා යාම නිසා මේ වනවිට කොළඹ ජාතික රෝහලේ ප්‍රතිකාර ලබයි.

ලොකු පියයුරු කුඩා කරන බවට පළවූ දැන්වීමක් අනුව ඇය ඔක්තෝබර් 17 වැනිදා මෙම සැත්කම කරගෙන ඇත.

සිද්ධිය සම්බන්ධයෙන් ප්‍රමිතියෙන් තොරව රූපලාවණ්‍යාගාරයක් පවත්වාගෙන ගිය වෛද්‍යවරයාගෙන්ද ප්‍රශ්න කෙරෙන බව පොලීසිය කියයි.