ඒබීසී නිව්ස්,වොෂින්ටන් පෝස්ට් විසින් සිදුකළ සමීක්‍ෂණයකට අනුව ඔබාමාට කැමැත්ත දක්වා ඇත්තේ 44%ක් පමණක් වන අතර ඇමරිකානු ජනතාවගෙන් අඩක්ම සිය ජනාධිපතිවරයාට කැමති නැති බව හෙළිවී අැත.
ඡන්දය ප‍්‍රකාශ කිරිමට ඉඩ ඇති පුද්ගලයන් අතරින් 53%ක්ම මෙලෙස ඔබාමාට අකමැති පිරිස් වීම මෙහි ඇති තවත් විශේෂත්වයකි.
පසුගිය නොවැම්බර් මාසයේදී ඔබාමා පිළිකුල් කරන ප‍්‍රමාණය 52% දක්වා ඉහළ යන ලදී. එම අගය හා කැමැත්ත දැක්වූ ප‍්‍රමාණය සමග පැවති 6%ක වෙනස ඔබාමා පිළිබඳව කැමැති අකමැති ප‍්‍රමාණ අතර වාර්තා වූ ඉහළම පරතරයද වේ.
ගැලප් සමීක්‍ෂණ ආයතනය විසින් පල කර ඇති සංඛ්‍යාලේඛනද අනුව ඔබාමාට කැමති පිරිස 40%ක් වන විටදී 54%ක්ම අකමැති බව පවසා ඇත.
දේශපාලන විචාරකයන් පවසා ඇත්තේ ඔබාමාගේ ජනපි‍්‍රයත්වය පහත වැටීම සෙනෙට් මණ්ඩලයේ බලය සඳහා තීරණාත්මක වන ප‍්‍රාන්තයන් රැසක ජය පරාජය සඳහා තීරණාත්මත ලෙස බලපානු ඇති බවයි.
ඇමරිකානු මධ්‍යවාර මැතිවරණය සෙනෙට් මණ්ඩලයේ ආසන 36ක් සඳහා නියෝජිතයන් පත්කිරීමට නියමිතය. මේ වන විට සෙනෙටයේ ආසන 100කින් 53ක් දිනාගත් ඩිමොක‍්‍රටික් පක්‍ෂය එහි බලය හොබවන අතර ඡන්දය පැවැත්වෙන ආසන වල 21ක බලය ඩිමොක‍්‍රටික්වරුන්ට හා 15ක රිපබ්ලිකන්වරුට හිමිව තිබේ.
