ඒ අනූව ගුවන් තොටුපළේ වැඩ කටයුතු සාමාන්‍ය පරිදි ඉටු කිරීමට සුදානම් බව ඔහු පැවසුවේය.
ඉල්ලීම් 5ක් මුල් කරගනිමින් ගුවන්තොටුපළ නිදහස් සේවක සංගමය අද පෙරවරු 9 සිට වර්ජනයක් ආරම්භ කරන ලදී.
මේ නිසා ගුවන් ගමන් වලට ද බාධා එල්ල වූයේය.
රුපියල් 10,000 කින් වැටුප් වැඩිකිරීම, වෛද්‍ය රක්ෂණාවරණය ක්‍රමවත් කිරීම, සේවක ණය මුදල් ලබාදීම , ගුවන්තොටුපළ ආරක්ෂක ප්‍රධානියා ඉවත් කිරීම සහ සේවකයින්ට විවේකාගාර ලබාදීම මොවුන්ගේ ඉල්ලීම් විය.
මාසික දීමනාව ලෙස ඔක්තෝබර හා නොවැම්බර මාසවලට රුපියල් 8000 බැගින් රුපියල් 16000ක් වහාම ගෙවීමට පාලකයෝ යෝජනා කළහ. සේවකයෝ එය පිළිගත්හ. සෙසු ඉල්ලීම් සතියක් ඇතුළත සලකා බලා තීරණයක් ගැනීමටත් දෙපාර්ශ්වයම එකඟත්වය පළ කළේය.
