තම දෙපාර්තමේන්තුවේ බලය මත ක්‍රියාත්මක වන සම්බාහන මධ්‍යස්ථාන 60ක් පමණ ක්‍රියාත්මක වන බවත් ඒවායේ කටයුතු සොයා බැලීමට හැකියාව ඇතත් ප්‍රාදේශීය ලේකම් කාර්යාලය මඟින් ව්‍යාපාරය ලෙස බලපත්‍රය ලබා දී ඇති සම්බාහන මධ්‍යස්ථාන ගැන සොයා බැලීමට ආයුර්වේද දෙපාර්තමේන්තුවට බලයක් නොමැති බවත් අමාත්‍යවරයා සඳහන් කළේය.
ඒ සඳහා ආයුර්වේද පනතට සංශෝධන ගෙනවිත් ආයුර්වේද දෙපාර්තමේන්තුවට අවශ්‍ය නියාමන බලතල පවරන බවද ඇමැතිවරයා කීය.
අනුරාධපුර දිස්ත්‍රික් මන්ත්‍රි පී . හැරිසන් මහතා ඇසූ ප්‍රශ්නයකට පිළිතුරු දෙමින් එසේ කී ඇමැති දිසානායක මහතා පැවසුවේ සම්බාහන මධ්‍යස්ථාන මඟින් සිදුකරන අපචාර ක්‍රියා නතර කර විධිමත් පරිදි මේ මධ්‍යස්ථාන පවත්වාගෙන යාමට පියවර ගන්නා බවය.
