ආපදා කළමණාකරණ මධ්‍යස්ථානය ප‍්‍රකාශ කළේ තවදුරටත් නායයාම් සිදුවන නිසා බේරා ගැනීමේ මෙහෙයුම්වලට දැඩි බාධා මතුව ඇති බවයි.
බදුල්ලේ වතු නිවාස පෙළක් නාය යෑමෙන් 200ක් පීඩාවට පත්ව අැත.
අද(29) උදෑසන 07.00ට පමණ බදුල්ල , හල්දුම්මුල්ල , කොටබත්ම, මීරියබැද්ද ගම්මානයේ සිදු වූ නාය යෑමකින් වතු නිවාස 70කට ආසන්න ප්‍රමාණයක් මඩ සහිත පස්වලින් යටවී අැත.
මේ හේතුවෙන් පුද්ගලයින් 200ක් පමණ පීඩාවට පත්ව සිටික බව ආපදා කළමනාකරණ මධ්‍යස්ථානයේ නියෝජ්‍ය අධ්‍යක්‍ෂ (මාධ්‍ය) සරත් ලාල් කුමාර මහතා පවසා සිටියේය.
එසේම මෙම ස්ථානය තවමත් නාය යෑමට ලක්වෙමින් පවතින බවද වාර්තා වේ.
විපතට පත්වූවන් මුදා ගැනීම සඳහා පොලිසිය, යුද හමුදාව ඇතුළු සහන සේවකයින් මේවන විට කටයුතු කරමින් සිටියි.
