වර්ජනය සඳහා රජයේ විකිරණ ශිල්පීන් 550 ක්‌ පමණ දෙනා සහභාගි වීමට නියමිතය.
හෙට උදෑසන 8 සිට අනිද්දා (31 දා) උදෑසන 8 දක්‌වා ක්‍රියාත්මක කෙරෙන මෙම වැඩවර්ජනය හේතුවෙන් දිවයින පුරා රජයේ රෝහල්වල සිදු කෙරෙන සියලු සැලසුම් කළ එක්‌ස්‌ කිරණ සි.ටී. ස්‌කෑන්, එම්. ආර්. අයි. ඇතුළු විකිරණ පරීක්‌ෂණ වර්ජන කාල සීමාව තුළ සිදු නොකෙරෙන බව එම සංගමය කියයි. අදාළ කාල සීමාව තුළ එම ජීවිතාරක්‌ෂණ පරීක්‌ෂණයන් පමණක්‌ සාමාන්‍ය පරිදි පවත්වාගෙන යන බව විකිරණ විද්‍යා තාක්‌ෂණවේදීන්ගේ සංගමයේ ලේකම් ධර්මකීර්ති ඈපා මහතා පවසයි.
වෘත්තීය ක්‍රියාමාර්ගයන්ට සම්බන්ධ වූ වෘත්තිය සමිති නායකයන්ට එරෙහිව විනය පරීක්‌ෂණ පැවැත්වීම, වසර 50 කින් යාවත් කාලීන නොකළ හා යල් පැන ගිය ඩිප්ලෝමා පාඨමාලාව තවදුරටත් පවත්වාගෙන යැම, වසර 2011 සිට පැවැති සාකච්ඡාවලදී ඇති කර ගත් එකඟතාවන් ඉටුකිරීම පැහැර හැරීම යන ගැටලු මුල්කර ගෙන මෙම වර්ජනය ක්‍රියාත්මකය.
අද (29 දා) සෞඛ්‍ය ඇමැති මෛත්‍රිපාල සිරිසේන මහතා සමග මෙම ගැටලු පිළිබඳ සාකච්ඡාවක්‌ ද පැවැත්ෙව්.
