කාන්තාවන්ට මෙවර අයවැයෙන් දී ඇති සහන මොනවාදැයි විමසමින් එම සංවිධානයේ සම සභාපතිනි සමන්මලී ගුණසිංහ මහත්මිය ප්‍රකාශ කළේ පවුලක මසකට සරිලන සාමාන්‍ය ජීවන වියදමට ගැලපෙන ලෙස අයවැයෙන් සහන නොලැබී ඇති බවයි.
රට තුළ වැඩි පුරම සිටින්නේ ස්වයං රැකියා සහ තාවකාලිකව රැකියා කරන අය බැවින් ඔවුන්ට සාධාරණයක් ඉටුවී නැති බව අැය පවසයි.
තවදුරටත් ඇය මෙසේද ප්‍රකාශ කළාය.
"අපි දන්නවා හතර දෙනෙක්ගෙන් යුක්ත පවුලක ජිවන වියදම අනිවාර්යෙන් මාසෙට පනස් දහසකට වැඩියි. ඒ ඔය කියන ඇමතිවරු කියන දේවල් හරි, කරන දේවල් හරි මිනිස්සු කාලා බීලා නෙමේ. සාමාන්‍යයෙන් ජීවත් වන්න පවුලක මාසෙකට 50000ක්වත් තියෙන්න ඕනේ. අද වෙද්දි තාමත් අපේ රටේ සමාජය තුළ සියයට 40කගේ දවසක ආදායම රුපියල් 250ට වඩා අඩුයි. එතකොට ඔය අයවැයෙන් කියන දේ තියෙන්නේ මොන ජනතාවටද මොන ජන කොටසකටද?
මේ රටේ බහුතරයක් ඉන්නේ ගෙවල්වල ඉන්න කාන්තාවෝ. එතකොට මේ අයවැයෙන් කාන්තාවට ලැබුණේ මොනවද? මේක කෙළින්ම ජනාධිපතිවරණ ඉලක්ක කර ගත් අයවැයක්. දැන් ඔය වැඩි කළා කියන දේවල් කලින් වැඩි කරන්න තිබුණේ නැද්ද? අවුරුදු 02ක්, 03ක්, 04ක්, 05ක් අපි උද්ඝෝෂණ කළා. වැඩ කරන කම්කරුවෝ කෑ ගැහුවා, උද්ඝෝෂණය කළා. ඒ ජිවත් වෙන්න බැරි ජීවන වියදමක් තියෙන නිසා නෙමේ, මිනිස්සුන්ට ප්‍රශ්න තියෙන නිසා. හැබැයි කිසි කාලෙකට ඇස් ඇරුණේ නැති ජනාධිපතිතුමා දැන් මේ ජනාධිපතිවරණයක් තියෙන නිසා ඇස් ඇරලා තියෙනවා. ඒක නිසා මේක මහා දවල් මිනිස්සුන්ට බලාපොරොත්තු දීලා, සිහින ලෝක දීලා ජනාධිපතිවරණ එල්ල කරගෙන හදපු අයවැයක්.''
ෙම් අයවැය මගින් සිදු වී අැත්තේ ජනතාව තව තවත් දුකට අැද දැමීම බවත් මේ අයවැය ප්‍රෝඩාවක් බවත් අැය පැවසුවාය.
