එක්සත් ජාතීන්ගේ ත‍්‍රස්ත මර්දන කමිටුවේ ඉල්ලීමක් මත ත‍්‍රස්ත මර්දනය සම්බන්ධයෙන් ප්රධාන අරමුණු 3ක් මුල්කොට ගෙන ජෝන් කෝල් ශ්රී ලංකාවට පැමිණේ.
ඔහු නියෝජිතයන් කිහිප දෙනෙකු සමඟ සාකච්ඡා කිරීමට සැලසුම් කර තිබේ.
ත‍්‍රස්තවාදයට එරෙහි ජාත්‍යන්තර සහයෝගීතාව සහ ඒ සම්බන්ධයෙන් ශ්රී ලංකාව කටයුතු කරන ආකාරය මෙන්ම ඊට අදාළ ජගත් සංවිධානයේ තාක්ෂණික සහාය පිළිබදව ඔහු ඇගයීමක් සිදුකරනු අැත.
එම කරුණු ඇතුළත් එක්සත්ජාතීන්ගේ ආරක්ෂක මණ්ඩලයේ 2001 - 1373දරණ සම්මුතිය ශ්රී ලංකාව කි‍්‍රයාවටනැංවීම පිළිබදව මෙහිදි සළකා බැලේ.
ජාත්‍යන්තර සාමය සහආරක්ෂාවට ත‍්‍රස්තවාදයෙන් එල්ල වී ඇති තර්ජන පිළිබද ජගත් සම්මුතිය, අන්තවාදය තුළින් පැන නැගුණු ත‍්‍රස්ත කි‍්‍රයාවලට එරෙහිව ගත යුතු පියවර සහත‍්‍රස්ත මර්දන පියවරක් ලෙස සංවාදයකට එළඹීම පිළිබදව ද ජගත් සංවිධානනියෝජිතයාගේ අවධානයට යොමු වේ.
ජගත් ආරක්ෂක මණ්ඩලයේ ත‍්‍රස්ත මර්දන කමිටු ප‍්‍රධානී යාපනයේ සංචාරයක නිරතවීමට ද නියමිතය.
