දැඩි කතෝලික බැතිමතියක් වන වන ජනාධිපති ආර්යා ශිරාන්ති රාජපක්ෂ මහත්මියගේ දැඩි බලපෑම මත මෙම තීරණය ගෙන ඇතැයි පැවසේ.
පාප් වහන්සේ 2015 ජනවාරි 13 දා දිවයිනට පැමිණීමට නියමිත අතර, එම වකවානුවේ ජනාධිපතිවරණයක් පවත්වන්නේ නම් උන්වහන්සේ නොපැමිණීමට ඉඩ ඇති බව එම සංචාරය සංවිධානය කිරීමට මෙරටට පැමිණ සිටින වතිකානුවේ නියෝජිතයින් පවසා තිබේ.
කේන්ද්රයේ ග්රහ පිහිටීම් :
ලංකා කේන්ද්රයේ ග්රහ පිහිටීම් අනුව එම දිනවල ජනාධිපතිවරණය නොපැවැත්වෙන්නේ නම් ජනාධිපතිවරණය 2015 මාර්තු මාසය දක්වා කල් යාමට බොහෝ ඉඩ කඩක් පවතින බවත් ඊට හේතුව රටේ අනාගතය තීරණය කරන කඩඉමක දී ලංකා කේන්දරයේ ග්රහ ගැළපීම් ඉතිහාසයේ පැවති ජනාධිපතිවරණ සියල්ලේදීම විවිධ සමානතා පෙන්වීම බව ජනාධිපති ප්රවීණ ජ්යෙතිෂවේදී සුමනදාස අබේගුණවර්ධන මහතා 'රිවිර' පුවත්පතට පවසා ඇත.
ඒ අනුව ජනාධිපතිවරණය ජනාවාරි මුල් සතියේ නොපැවැත්වෙන්නේ නම් ජ්යෙතිෂ්යානුකූලව ඒ සඳහා සුදුසුම කාලය 2015 මාර්තු මාසය බවද හෙතෙම වැඩිදුරටත් කියා සිටියි.
කිතුනුවන්ගේ හිත දිනා ගැනීම සඳහා ජනාධිපතිවරණය මාර්තු දක්වා කල් දැමීමට ජනාධිපතිවරයා තීරණය කර ඇතැයි ආණ්ඩුවේ අභ්යන්තර ආරංචිමාර්ග වලින් වාර්තා වේ.
Leave a comment