සෙත්සිරිපායේ පිහිටි නීතිය හා සාමය පිළිබද අමාත්‍යාංශ කාර්යාලයේදි වැඩභාරගත් ආචාර්ය මහනිද බාලසූරිය මහතා පිලීගැනීමට පොලිසියේ ඉහළම තලවල නිළධාරීන් මෙන්ම විශ්‍රාමික පොලිස් නිලධාරීන් රැසක්ම සහභාගිවී සිටි අතර පොලිස්පති එන්.කේ. ඉලංගකෝන් මහතා සහභාගී නොවීය.
වැඩ භාරගත් ආචාර්ය මහින්ද බාලසූරිය මහතා මාධයවේදීන් අමතමින් මෙසේ සදහන් කළේය.
“නීතිය හා සාමය විශේෂ විෂයක්. රටේ නීතිය හා සාමය ආරක‍ෂා කිරීම මෙම අමාත්‍යාංශයේ මූලික වගකීම. පොලිසිය සහ විශේෂ කාර්ය බලකාය මගිනුයි ප්‍රධාන වශයෙන් එම කටයුත්ත ඉටුවෙන්නේ.නීතිය හා සාමය පිළිබද අමාත්‍යාංශයට පැවරිලා තියෙන එකම කටයුත්තත් එකයි.
ඒ සදහා සංවිධානාත්මක අපරාධ හා දරුණු අපරාධකරුවන් සමාජයට කරන බලපෑම වැලැක්වීමට ඒඅයට එරෙහිව නීතිමය පියවර ගැනීම මගේ වගකමක් ලෙයසි සලකන්නේ. ඒවගේම තමයි මත්ද්‍රව්‍ය ජාවාරම මැඩලීමට පියවර ගත යුතුයි. මම පසුගිය කාලයේ තානාපති සේවයේ රටවල් කිහිපයකම කටයුතු කලා. ඒරටවල් මේ උවදුර මැඩලීමට විවිධ ක්‍රම අනුගමනය කරන අයුරු මම දුටුවා. ඒ දේවල්ද උපයෝගී කරගෙන මගේ දැඩි අවධානය මත්ද්‍රව්‍ය ජාවාරම මැඩලීමට යොමුකරනවා.
ඒත් එක්කම රථවාහන පරිපාලනය , අනතුරු අවමකර ගැනීම, මාරක අනතුරු අඩුකර ගැනීම ගැනත් විශේෂ අවධානයක් යොමුකළ යුතුයි. දැනටමත් මේ දේවල් හොදින් සිදුවෙනවා. තවදුරටත් මේව පොලිස්පති සමග සාකච්ඡාකරල ශක්තිමත් කරනවා.පොලිසියේ තාක‍ෂණය දියුණු කළ යුතුයි. 119 හදිසි ඇමතුම් අංශයට නව තාක‍්ෂණය දෙනවා''
ජන ජීවිතයට බලපාන කරුණු ගැන අවධානය යොමු කරන බවත්,මහජනතාවට අමාත්‍යාංශය සමග සමීප වීමට ෆැක්ස් අංක තුනක් හදුන්වා දීම සහ එහිදී විශ්‍රාමික පොලිස් නිලධාරීන් සම්බන්ධයෙන් වෙනම අංකයක් හදුන්වා දුන්නේත් විශ්‍රාම ගිය පසු ඇතිවන ගැටළු ගැන තමාටද අවෙබා්ධයක් අැති නිසා බව සදහන් කළේය.
පොලිස් සේවයෙන් සහ තානාපති සේවයෙන් ලැබූ අත්දැකීම මහජනතාවගේ සහ පොලිසියේ උන්නතිය සඳහා යෙදවීමට හැකි නිසා මෙම තනතුර භාරගැනීමට තීරණය කල බවත් ඒ සදහා ජනමාධ්‍ය වලින් සහ කාර්ය මණ්ඩලයේ සහයෙන් මේ තනතුරේ වැඩ කටයුතු කිරීමට හැකිෙව්යැයි විශ්වාස කරන බවත් තනතුරේ සිටින තාක් කල් විශේෂ කාර්ය බලකායටත් පොලිසිටත් මහජන සේවයටත් ඇපකැප වන බවත් ඒ් මහතා සදහන් කළේය.
