විදේශ කටයුතු පිළිබඳ අමාත්‍ය මහාචාර්ය ජී ඇල් පීරිස් මහතා සහ ශ්‍රී ලංකාවේ එක්සත් ජාතීන්ගේ පද්ධතියේ නේවාසික සම්බන්ධීකාරක සුබිනේ නැන්ඩි මහතාගේ ප්‍රධානත්වයෙන් එම උත්සවය පැවැත්වේ.
වසර 2000 දී නියම කරගත් පරිදි, 2015 දී සාක්ෂාත් කර ගැනීමට යෝජිත සහශ්‍රක සංවර්ධන ඉලක්ක සාමුහිකව ළඟා කර ගැනීමට වෙර දරන අවසාන වසර ද ෙමය වේ. සංවර්ධනය වෙමින් පවතින රටක් වශයෙන් ශ්‍රී ලංකාව එම ඉලක්ක සපුරා ගැනීමේදී අත්කර ගෙන අැත්තේ යහපත් ප්‍රගතියකි.
මෙම අවස්ථාවේ දී දැනට රජය සමග එක්ව සකස් කරමින් පවතින සහශ්‍රක සංවර්ධන ඉලක්ක වල ප්‍රගතිය පිළිබඳ 2014 දේශීය වාර්තාවේ කලින්ම හඳුනාගත් සමහර කරුණු ප්‍රතිපත්ති අධ්‍යයන ආයතනයේ විධායක අධ්‍යක්ෂ විසින් ඉදිරිපත් කරනු ඇත.
එක්සත් ජාතීන් ස්ථාපිත කර මේ වන විට වසර 69 කි. මෙම වර්ෂය ශ්‍රී ලංකාව හා එක්සත් ජාතීන් අතර නොකඩවා වසර 59 ක් පැවති ශක්තිමත් සම්බන්ධතාවය ද සනිටුහන් කරයිග මෙම සම්බන්ධතාවය ශ්‍රී ලංකාවේ ජනතාවට සහායවීමේදී එක්සත් ජාතීන් හා රජය එක් කෙරෙන පොදු හරයන් හා පොදු දැක්ම තහවුරු කිරීමක් වේ
