එබෝලා රෝගය මර්දනය කිරීම සඳහා ලොව විවිධ රටවල් සහ සංවිධාන ආධාර උපකාර සිදුකළ ද එය ක‍්‍රමවත්ව සිදුකිරීමට නිසි වැඩපිළිවෙලක් නොමැති බව එම සංවිධානය පෙන්වා දෙයි.
කෙසේ නමුත්, නයිජීරියාව එබෝලා වෛරසය මුළුමනින්ම මර්දනය කළ බව ලෝක සෞඛ්‍ය සංවිධානය ඊයේ නිවේදනය කළේය. බටහිර අප‍්‍රිකාව කේන්ද්‍ර කොටගෙන පැතිර යන මාරාන්තික එබෝලා වෛරසයෙන් මිය ගිය සංඛ්‍යාව මේ වන විට 4500 ඉක්මවා ඇත.
එබෝලා යනු වෛරස් මගින් හටගන්නා මාරාන්තික රක්තපාත උණකි. ඒඩ්ස් වැනි රෝගවලට තරමක් වෙනස් ස්වරූපයක් ගන්නා එබෝලා වෛරසය ඇතුළු වූ රෝගීන්ගේ දහඩිය හා රුධිරය වෙනත් අයකුට ස්පර්ශවීමෙන් රෝගය ව්‍යාප්ත වන බව පැවසේ.
