ප‍්‍රජා අයිතිය අහිමි කිරීමෙන් පසුවත් පසුගිය පළාත් සභා මැතිවරණයේදී ඡන්දය පාවිච්චි කිරීම නිසා සරත් ෆොන්සේකා මහතාට ඡන්ද අයිතිය ඇතිද නැතිද යන්න ගැන ගැටලූකාරී තත්වයක් මතුව තිබුණ අතර එය පැහැදිලි කරන්නැයි මැතිවරණ කොමසාරිස්වරයා නීතිපතිවරයාගෙන් මින් ඉහත ඉල්ලීමක් කර තිබුණි.
නීතිපති දෙපාර්තමේන්තුව ඒ අනුව සිදු කළ විමර්ශනයකින් අනතුරුව පෙරකී තීරණය ඊයේ දැනුම් දී ඇත. ඔහුගේ නම ලියාපදිංචිව තිබුණේ කැස්බෑව ඡන්ද කොට්ඨාශයේ ය.
සරත් ෆොන්සේකා මහතාගේ නම ඉවත් කිරීම ගැන අද පක්ෂ ලේකම්වරුන් ඉදිරියේ මැතිවරණ කොමසාරිස්වරයා විසින් නිල වශයෙන් දැනුම්දීමට නියමිතය.
ඒ අනුව සරත් ෆොන්සේකා මහතාගේ නම 2014 ඡන්ද හිමි නාම ලෝඛනයෙන් ඉවත් කරනු ඇත.
