මෙසේ ඝාතනයට ලක්ව අත්තේ මැලේසියාවේ සේවය කරමින් සිටි මොහොමඩ් සෆ්රින් නමැති 26 හැවිරිදි තරුණයෙක්. මොහු ගලේවෙල පුවක්පිටිය ප්‍රදේශයේ පදිංචි කරුවෙකි.
එරට වාහන සේවා ස්ථානයක සේවය කරමින් සිටි යෙදී සිටියදී ඉකුත් මැයි මස 22 වැනිදා හෝ ඊට ආසන්න දිනයක දී මොහුව ඝාතනයට ලක්ව ඇති බවට සැක කෙරේ. ඝාතනය කෙරුණු මොහාමඩ් සෆ්රින් කුණුගොඩකට විසිකර දමන ලෙසට එහි අනෙක් සේවකයින්ට හාම්පුතා පවසා ඇතැයි වාර්තා වේ.
සෆ්රින්ගේ පියා පවසන්නේ,
"මගේ පුතා සෆ්රින් මැලේසියාවේ සාලාම් පිඩම්ජාවා සෙක්‌සන් 17 ප්‍රදේශයේ පිහිටි අල්ක්‍රිෂ්ණන් කියන කෙනාගෙ සර්විස්‌ ස්‌ටේෂන් එකක වැඩ කළේ. එහේදි වාහනයක්‌ පස්‌සට ගනිද්දි වාහනය බිත්තියක හැපිල තියෙනවලු පුතා අතින්. ඒකෙන් රුපියල් 20000ක විතර අලාභයක් වුණාලු. එ්කට තමයි අල්ක්‍රිෂ්ණන් නමැත්තා කන්න බොන්නත් නොදී දින කිහිපයක්‌ තිස්‌සේ පුතාට අමානුෂිකව පහර දුන් බව පැවසුවා. මේ සිදුවීම් වෙලා තියෙන්නෙ පසුගිය මැයි 22 ත් 28 අතර කාලය තුළ බව පුතා එක්ක වැඩකළ පුතාගෙ මිතුරා කිව්වා. ඔහු එම ස්‌ථානයෙන් පැමිණීමට පෙර මියගිය සප්ප්‍රින්ගේ හා වැඩපළ අයිතිකරුගේ ඡායාරූප ලබාගෙන තානාපති කාර්යාලයට ලබාදුන් බවත් කිව්වා."
මැලේසියාවේ ශ්රී ලංකා මහකොමසාරිස් කාර්යාලය විසින් මෙම ඝාතනය පිළිබඳ පරීක්ෂණයක් ආරම්භ කර ඇත. මොහාමඩ් සෆ්රින්ගේ මෘතදේහය මෙතෙක් ඔහුගේ ඥාතීන් වෙත ලැබී නොමැත.
