ධීවර හා ජලජ සම්පත් සංවර්ධන අමාත්‍යාංශය සඳහන් කලේ ජපාන ජාත්‍යන්තර සහයෝගීතා නියෝජිතායතනය විසින් මෙම නෞකාව පරිත්‍යාග කර තිබෙන බවයි.
සයුරු නමින් නම් කර ඇති මෙම නෞකාව ධීවර අමාත්‍යාංශයේ ලංකා ධීවර වරාය නීතිගත සංස්ථාවට භාරදීමේ උළෙල ලබන 18 වනදා පස්වරුවේ සිදුවේ. ඒ දික් ඕවිට ධීවර වරායේදීය.
බහුකාර්යය යාත‍්‍රාවක් වන මෙහි දිග මීටර 49 යි දශම 9 ක් වන අතර එය ටොන් හයසිය විසි හතරක බරකින් යුක්තය.
කැණීම් යාත‍්‍රාවක් ලෙස යොදා ගන්නා මෙම නෞකාව තුළින් රටවටා පවතින ධීවර වරායන්හී කැණීම් කටයුතු ඉටු කිරීමට පහසුවක් වන අතර සාගර පර්යේෂණ ක්ෂේත‍්‍රයට ද ඉතා වැදගත් බව ධීවර අමාත්‍යාංශය නිවේදනය කරයි.
ජපාන රජය විසින් ලක් රජය වෙත මීට පෙර ද රුහුණු පුතා කැණීම් යාත‍්‍රාව ලබා දී තිබිණ.
රුපියල් කෝටි අනූවක් වටිනා නෞකාවක් ජපන් රජය විසින් ශ්රී ලංකාවට පරිත්‍යාග කර ඇත.
Leave a comment
