ශ්රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA) හා ශ්රී ලංකා ප්රමිති ආයතනය (SLSI) ඒකාබද්ධව මෙය සංවිධානය කළ අතර අන්තර්ජාතික ප්රමිති ආයතනයේ (ISO) අක්ෂර කේතනය පිළිබඳ ක්රියාකාරී කණ්ඩායමේ රැස්වීම හා අන්තර්ජාතික විද්යුත් තාක්ෂණ කොමිසමේ (IEC) මෙහෙයුම් කමිටු රැස්වීම් ද ඊට සමඟාමීව ශ්රි ලංකාවේ දී පැවැත්විණි.
මෙම ක්රියාකාරී කණ්ඩායම්හි විෂය පථය වන්නේ තොරතුරු තාක්ෂණයේ දී යොදා ගන්නා කේතනය ඇතුළත් වන ලෝකයේ සියලුම භාෂාවල අක්ෂර මාලා සඳහා වූ කේතික අනුලක්ෂණ කට්ටල සකස් කිරීම වන අතර ජාත්යන්තර ප්රමිති ආයතනය මෙම කේතන සකස් කිරීම සඳහා යුනිකෝඩ් කණ්ඩායම සමඟ සහයෝගීව කටයුතු කරයි.
2012 වර්ෂයේ දී ශ්රී ලංකාවේද සහභාගිත්වයෙන් තායිලන්තයේ දී පැවැත්වූ මෙම ක්රියාකාරී කණ්ඩායමේ රැස්වීමේ දී 2014 අදාළ මෙහෙයුම් කමිටු හා ක්රියාකාරි කණ්ඩායම් රැස්වීම් ශ්රී ලංකාවේ පැවැත්වීමට තීරණය කරන ලද අතර එම තිරණයට අනුව මෙම රැස්වීම් ශ්රි ලංකාවේ දී පැවැත්විණි.
ක්රියාකාරි කණ්ඩායමේ රැස්වීමේ දී භාෂාවන් ගණනාවක අක්ෂර මාලා සංකේතනය කිරීම පිළිබඳව සාකච්ඡා කෙරුණු අතර දෙමළ සංකේත (symbols) පිළිබඳ සාකච්ඡා කරන ලදී.
මේ සාකච්ඡාවට සහභාගි වූ ශ්රී ලංකාවේ නියෝජිතයෝ මේ පිළිබඳ ශ්රී ලංකා තොරතුරු හා සන්නිවේදන තාක්ෂණ නියෝජිතායතනයේ අඳහස් ඉදිරිපත් කළහ.
දෙමළ සංකේත ISO ප්රමිතියේ දෙමළ කේත පිටුවේ නොව පරිපූරක කොටසක ඇතුළත් කළ යුතුයැයි ද එම ආයතනය යෝජනා කර ඇත.
මෙම රැස්වීමට දේශිය හා ජාත්යන්තර නියෝජිතයන් 50ක් පමණ සහභාගි වූහ.
සයිබර් අවකාශය පරිගණකය මෙන්ම තොරතුරු සන්නිවේදන තාක්ෂණ මෙවලම් සඳහා එක් ප්රමිතියකට අනුව භාෂාවන් යොදා ගැනීම වැදගත් වන බව ශ්රි ලංකාවේ දී පැවති අක්ෂර ප්රමිතිකරණය පිළිබඳ ජාත්යන්තර කමිටු රැස්වීමේ දී අවධාරණය කෙරිණි.
Leave a comment