බන්ධනාගාර කොමසාරිස් ජනරාල් චන්ද්‍රරත්න පල්ලේගම මහතා  පැවසුවේ රැඳවියන් තුන්දහසකට ආසන්න ප‍්‍රමාණයකට ඔවුන්ගේ ඥාතීන් සහ හිතවතුන් සමග කථා කිරීමට අවස්ථාව ලබා දෙමින් මෙම වැඩපිළිවෙල ක‍්‍රියාවට නැංවෙන බවයි.

නියමු වූ ව්‍යාපෘතියක් ලෙස ක‍්‍රියාත්මක මෙහි අරමුණ වන්නේ සමාජය හා පවුල අතර රැඳවියාගේ සම්බන්ධතාවය වැඩිදියුණු කිරීමයි. 

දුරකථන ඇමතුම් කුටි අටක් මගින් අද පස්වරුවේ විෂයභාර අමාත්‍ය චන්ද්‍රසිරි ගජධීර මහතාගේ ප‍්‍රධානත්වයෙන් ඇරඹෙන මෙය ඉදිරියේදී සෙසු බන්ධනාගාර වලට ද ව්‍යාප්ත කරන බව බන්ධනාගාර කොමාසරිස් ජනරාල්වරයා වැඩිදුරටත් සඳහන් කළේය.