රටේ නීති විශාරදයින් නීතිය පිළිබඳව හොඳින් දන්නා හිටපු අග විනිසුරුවරයාත් මහින්දට තුන්වරක් ඉදිරිපත්වීමට නීති ප‍්‍රතිපාදනයක් නැහැ යනුවෙන් පැහැදිලි තර්කයක් ගෙන එයි. එය අපගේ ද විශ්වාසයයි යනුවෙන් ටිල්වින් සිල්වා ප්රකාශ කළේය. ඒ නිසාම ජනාධිපතිවරණය නීති විරෝධී ඡන්දයක් වන බව ඔහු පවසයි.
ඌව පළාත් සභා මැතිවරණයේ ඡන්ද 69,000ක් සහ මන්තී‍්‍රවරු 7ක් අඩු වීම සමග බදුල්ලේ ඡන්ද ප‍්‍රතිශතය 48%ට වැටුණ බැවින් එනිසා රාජපක්‍ෂවරු බයවී තිබෙන බව පැවසුවේය.
''නීතිය නොසලකන ඒකාධිපතියන් බිහි වුණොත් ඔහු මුළු පාලනයම ගෙනියන්නේ නීතිය පැත්තකට දාලයි. නීතිය නොසලකන එක මේ ආණ්ඩුවට මෝස්තරයක් වෙලා. නීතිය කඩන්න ඇබ්බැහි වෙලා. රාජපක්‍ෂවරු මැතිවරණ නීති කඩනවා. ඔවුන් නීතිය අතේ තියාගෙනයි කටයුතු කරන්නේ. ඒ නිසා තමයි මැතිවරණ නීති නොසලකා ගෝඨාභය රාජපක්‍ෂ මැතිවරණ වේදිකාවට නගින්නේ. රටේ පළමු පුරවැසියා මූලික නීතිය කඩකරනවා නම් අතපය බැඳගෙන ඉන්න අපි සූදානම් නැහැ. එහෙම ආවොත් කරන්න තියෙන දේ අපි ඒ වෙලාවට තීරණය කරනවා. ඒ නිසා අපි ජනාධිපතිට කියනවා නීත්‍යානුකූල පාරක එන්න කියලා. ව්‍යවස්ථාව උල්ලංඝනය කරන්න එපා. නීති කඩන්න එපා. ආණ්ඩුවට 2/3 තියෙන නිසා අඩුපාඩු හදලා ව්‍යවස්ථාව සම්මත කරගෙන එන්න. ''
මෙම තත්වය වෙනුවෙන් ජනතාව දැනුවත් කිරීමේ විශාල වැඩපිළිවෙළක් ද කි‍්‍රයාත්මක කරන බව ටිල්වින් සිල්වා මහතා පැවසුවේය. මෙම අවස්ථාවට ජ.වි.පෙ. ප‍්‍රචාරක ලේකම් විජිත හේරත් ද සහභාගි විය.
{soundcloud}https://soundcloud.com/lankadaily/press-conference-on-13102015{/soundcloud}
