අදාළ බුද්ධ රූපය භූමි ස්පර්ශ මුද්‍රාවෙන් නෙලා ඇති එකකි. සිරස මත රැස් වලල්ලක් සහ සිරුර වටා තවත් කුඩා කැටයම් කිහිපයක්ද දක්නට ලැබේ. මෙහි උස සෙන්ටිමීටර් 5ක්. පළල සෙන්ටිමීටර් 4 යි දශම 4ක්ද , ඝනකම සෙන්ටිමීටර දෙකයි දශම එකක්ද වේ.
මෙම බුද්ධ රූපය සහිත මැටි ඵලකය පළමු වරට දැක තිබෙන්නේ ප‍්‍රවාහන අමාත්‍යංශයේ හිටපු ලේකම්වරයෙකු වන ආචාර්ය ලලිතසිරි ගුණරුවන් මහතාය. ඔහු විසින් එය පුරාවිද්‍යා දෙපාර්තමේන්තුවට භාරදී තිබේ.
බොහෝ විට මෙය කි‍්‍රස්තු වර්ෂ හය වැනි හෝ 7 වැනි සියවසේදී නිර්මාණය කර ඇති බව විශ්වාස කෙරේ.
නිශ්චිත කාලය හඳුනා ගැනීම සඳහා අදාළ මැටි ඵලකය මහාචාර්ය චන්ද්‍රවික‍්‍රම ගමගේ මහතාට භාරදුන් බව පුරාවිද්‍යා දෙපාර්තමේන්තුව පවසයි. ඒ මත නෙලා ඇති බුද්ධ රූපය මහායාන සම්ප‍්‍රදායට අයත් එකක් බව දැනට විශ්වාස කෙරේ. පූජා භාණ්ඩයක් ලෙස යම් තැනැත්තෙකු එය ශී‍්‍ර ලංකාවට රැගෙනවිත් ඇතැයිද පැවසේ.
