අත්අඩංගුවට පත් සැකකරුවන් වයස අවුරුදු 40 හා 47 පුද්ගලයින් දෙදෙනෙක් වන අතර, ඔවුන් සීනික්කුගල හා අන්දරවැව ප‍්‍රදේශවල පදිංචිකරුවන්ය.
පසුගිය 09 දා හම්බන්තොට වනජීවී නිලධාරින් වෙත ලැබුණු තොරතුරක් මත නිවසක් සෝදිසි කිරීමේදී මෙම සැකකරුවන් විසින් පිසින ලද මුවමස් හා විකිණීමට සූදානම් කර තිබූ මුව මස් සමග අත්අඩංගුවට ගෙන තිබේ.
හම්බන්තොට ප‍්‍රදේශයේ මුවමස් සමග සුනඛමස් විකිණීමේ ජාවාරම සම්බන්ධව මාධ්‍යය හරහා දැනුවත් වීමත් සමඟම මුවමස් ජාවාරම්කරුවන්ට පාරිභෝගිකයින් සොයා ගැනීමේ අපහසුතාවයකට මුහුණ දීමට සිදුවීම නිසා ඊට විසඳුමක් ලෙස මෙම දඩයම්කරුවන් විසින් මරන ලද මුවාගේ ශරීරයේ කණක් සහ පාදයක් මුවමස් බවට ගැණුම්කරුවන්ට සනාථ කිරීම සඳහා ළග තබාගෙන සිටි බව වනජීවී නිලධාරිහු පවසති.
මින් එක් සැකකරුවෙක් මෙම ප‍්‍රදේශයේ මුවමස් ජාවාරම දිගින් දිගටම කරගෙන ගොස් ඇති පුද්ගලයෙකු බවටද තොරතුරු අනාවරණව කරගෙන ඇත.
හම්බන්තොට අඩවි ආරක්ෂක ඩබ්. එම්. ඒ. ගුණතුංග මහතාගේ උපදෙස් මත වනසත්ව නියාමක සුමතිපාල ඒකනායක, එල්.ටී. ධම්මික, එස්. සිරිවර්ධන, දිමුතු මංජුල, ගයාන් නිශාන්ත, ඩබ්. ගුණසිරි යන මහත්වරුන් විසින් මෙම වැටලීම සිදුකර ඇති අතර, අත්අඩංගුවට පත් සැකකරුවන් හම්බන්තොට මහේස්ත‍්‍රාත් අධිකරණයට ඉදිරිපත් කිරීමට නියමිතව ඇත.
ඡායාරුප : අම්බලන්තොට - අජිත් පුෂ්පකුමාර
(හිරු නිව්ස්)
