ලොවුකානිකොස් යනුවෙන් හැඳින්වෙන මෙම සුනඛයා එකල ජාත්‍යන්තර මාධ්‍යයේ වඩාත් කතාබහට ලක්වූයේ රජයට එරෙහි විරෝධාවලදී ජනතාව සමග සිට පොලීසිය වෙත බුරා පනිමින් තිරිසනෙකුගෙන් නොදකින විශේෂ ලක්ෂණ විදහා දැක්වූ නිසාය.
අතිශය බිහිසුණු අයුරින් පැවති විරෝධතාවලදී පවා, කඳුළුගෑස් ප්‍රහාරයන්ටද ලක්වෙමින් නොබියම ඉදිරියට ගිය ලොවුකානිකොස් ඇතන්ස් වාසීන්ගේ නොමඳ ආදරයට ලක්විය.
මේ නිසාම, වඩාත් කතාබහට ලක්වූ Facebook පිටුවකටද හිමිකම් කී කැරලිකාර සුනඛයාගේ ශරීරය නගර මධ්‍යයේ වූ විශේෂ වෘක්ෂයක් අසල භූමදාන කළ බව කියවුණි.
අයාලේ යන සුනඛයෙකු ලෙස ජීවත් වුවත්, විරෝධතා ව්‍යාපාරයේ පෙරමුණ ගත්තෙකු ලෙස ලොවුකානිකොස්ට ස්වාමියෙකුද හිමිවිය. මුලින් තියඩෝර් යන නම තිබුණත්, විරෝධතා සමග ලොවුකානිකොස් නම ලැබුණු මේ සුනඛයා එකල විරෝධතාවල සටන් පාඨය විය.
එමෙන්ම, 2011 වසරේදී ටයිම් සඟරාව විසින් වසරේ චරිත අතරට ලොවුකානිකොස් ද එකතු කර ගෙන තිබුණි. විරෝධතා ව්‍යාපාරවලදී නිතර කඳුළු ගෑස් ප්‍රහාරයන්ට ලක්වීම හා ඒවා ආග්‍රහණය කිරීමද ලොවුකානිකොස් ඉක්මණින්ම ජීවිතයෙන් සමු ගැනීමට හේතුවක් බව ඇතන්ස් පශු වෛද්‍යවරු පවසති.
(අද)
