ඒ අනුව, අය වැය දෙවන වර කියවීමේ විවාදය මේ මස 25 වන දා ආරම්භ වී 30 වන දා දක්වා දින 5ක් පැවැත්වෙන අතර දෙවන වර ජන්ද විමසීම 30 වන දා පස්වරුවේ පැවැත්වෙනු ඇත. අය වැය කාරක සභා අවස්ථා විවාදය 31 වන දා ආරම්භ වී දින 15ක් පැවැත්වෙනවා. අය වැය තුන්වන වර කියවීමේ ජන්ද විමසීම නොවැම්බර් මස 18 වන දා පස්වරුවේ පැවැත්වෙනු ඇත.
කෙසේ වෙතත් ලබන වසර මුලදී ජාතික මැතිවරණයක් පැවැත්වීමට ආණ්ඩුව සූදානම් වන බැවින් මෙම අය වැය මැතිවරණ අයවැයක් වනු ඇතැයි දේශපාලන විචාරකයන් මත පළ කරති.
2015 වසර වෙනුවෙන් රජයේ ආදායම් සහ වියදම් ඇස්තමේන්තු ඇතුළත් විසර්ජන පනත් කෙටුම්පත පසුගියදා අගමැති දි.මු. ජයරත්න මහතා විසින් පාර්ලිමේන්තුවට ඉදිරිපත් කළ අතර ලබන වසර වෙනුවෙන් රජය වියදම් කිරීමට සැලසුම් කර තිබෙන මුදල 2014 වසරට සාපේක්ෂව 17%න් පමණ ඉහළ දමා ඇත.
