ජනාධිපතිවරණයට ඉදිරිපත් වන්නේ සෝභිත හිමියන් ද නැතිනම් රනිල් වික්රමසිංහ මහතා දැයි නිශ්චිතව පවසන්නේ නම් ඒ සඳහා බොදුබල සේනාව ප්රතිචාර දක්වන බව බොදුබල සේනා සංවිධානයේ මහ ලේකම් ගලගොඩඅත්තේ ඥානසාර හිමියෝ පැවසූහ.
ඥානසාර හිමියන් මේ බව ප්රකාශ කළේ ඊයේ (07) බොදුබල සේනා මූලස්ථානයේ පැවැති මාධ්ය සාකච්ඡාවකට සහභාගි වෙමිනි.
ප්රධාන විපක්ෂය සමග බොදුබල සේනා ප්රතිපත්ති සම්බන්ධව පසුගිය දා පැවැති සාකච්ඡාවල දී එකඟතාව දැක්වීම සම්බන්ධව කොළ එළියක් දැල්වී ඇති බව ද උන්වහන්සේ පැවසූහ.
බොදුබල සේනාව ක්රියාත්මක කරනුයේ දුටුගැමුණු රජතුමා තම සේනා සංවිධානය කළ බෞද්ධ ක්රමවේදයට අනුගතව යමින් රට එක්සේසත් කිරීමයි. ඒ අනුව තම ප්රතිපත්තිවලට අනුගත වන ඕනෑම පක්ෂයකට තම සහයෝගය ලබාදෙන බව ද ඥානසාර හිමියෝ පැවසූහ.
“අපි කවුරුවත් ගාවට ගිහින් අපේ ප්රතිපත්ති ඉදිරිපත් කරන්නැහැ. ඉල්ලීමට අනුව සැපයුම ලබාදෙනවා. විපක්ෂය හෝ වේවා ආණ්ඩුව හෝ වේවා ඕනෑම කෙනෙක් සමග සාකච්ඡා කිරීමට සූදානම්. එසේ ප්රතිපත්තිවලට එකඟතාව පළකරන්නේ නොමැති නම් ඒ හිඩැස සඳහා කවුරුන් හෝ ඔසවා තැබිමට බොදුබල සේනාව සූදානම්.” යැයි ද ඥානසාර හිමියෝ කීහ.
Leave a comment