අග විනිසුරු මොහාන් පීරිස් , බුවනෙක අලුවිහාරේ සහ සරත් ද ආබෲ යන ශ්‍රේෂ්ඨාධිකරණ විනිශ්චය මණ්ඩලය හමුවේ පෙත්සම කැඳවිණි. ගාල්ල පොලිස් අධිකාරි සිරිසේන කුමාර, පොලිස් පරීක්ෂක ආරි‍යසේන , උප පොලිස් පරික්ෂක ඩයස්,කොස්තාපල්වරුන් වන බණ්ඩාරියගොඩ සහ මෙන්ඩිස් මහත්වරුන්ද පොලිස්පතිවරයා සහ නීතීපතිවරයා වගඋත්තරකරුවන් කරමින් පෙත්සම ඉදිරිපත් කැර තිබිණි.
සියලුම පෙත්සම්කරුවන් වෙනුවෙන් අධිකරණය හමුවේ පෙනී සිටි විජිත හේරත් මහතාට වගඋත්තරකරුවන් අතට අත දීමෙන් පෙත්සම සමථයකට පත් කැර ගැණිනි. ගාල්ල මහේස්ත්‍රාත් අධිකරණයේ පෙත්සම්කරුවන්ට එරෙහිව පැවැත්වෙන නඩුව අවසන් කිරිමට නීතීපතිවරයා වෙනුවෙන් පෙනී සිටි රජයේ ජ්‍යෙෂ්ඨ අධිනිතීඥ ලක්මිණි කරුණානායක මහත්මිය එකඟ වූවාය.
ප්‍රජාතන්ත්‍රවාදී ජාතික සන්ධානය මගින් 2010 ජූලි 12 වැනි දින ගාලු නගරයේදී සංවිධානය කොට තිබූ විරෝධතා ව්‍යාපාරයේදී පොලිසියේ රාජකාරියට හා සාමයට බාධාවන අයුරින් හැසිරීම, පොලිසියට ගල්මුල් ප්‍රහාර එල්ලකොට පොලිස් ජීප් රථයට පහරදී අලාභහානි කිරීම අයුතු ජනරාශියක සාමාජිකයන්වීම ඇතුළු නීති විරෝධී ක්‍රියාවන්ට එරෙහිව සැකකරුවන් 14 දෙනකුට එරෙහිව පොලිසිය මගින් නඩු පවරා තිබිණි.
