පසුගිය වසරේ සැප්තැම්බර් මාසයේ දී විදේශීය සංචාරකයන් 90,339දෙනෙකු මෙරටට පැමිණ තිබෙන අතර ඊට සාපේක්ෂව මේ වසරේ එම මාසයේ දී විදේශීය සංචාරකයන් 105,535දෙනෙකු පැමිණ තිබෙන බව ශ්‍රී ලංකා සංචාරක සංවර්ධන අධිකාරිය පවසයි.

ඒ අනුව මේ වසරේ සැප්තැම්බර් මාසය අවසන් වනවිට විදේශීය සංචාරකයන් 1,107,178දෙනෙකු ශ්‍රී ලංකාවට පැමිණ තිබෙන බව පෙන්වාදෙන ශ්‍රී ලංකා සංචාරක සංවර්ධන අධිකාරිය එය පසුගිය 2013වසරේ මුල් මාස 8දී ශ්‍රී ලංකාවට පැමිණි විදේශී සංචාරකයන් 904,197ට සාපෙක්ෂව සියයට 22.4ක වර්ධනයක් බව පෙන්වා දෙයි.

එළඹෙන 2016 වන විට ශ්‍රී ලංකාවට විදේශීය සංචාරකයන් ලක්ෂ 25ක් ගෙන්වා ගැනීම රජයේ අරමුණ වී තිබේ. ඒ වෙනුවෙන් අවශ්‍ය යටිතල පහසුකම් සංවර්ධනය සහ මඟ පෙන්වීම දැනටමත් සිදුකරගෙන යන බවද අවශ්‍ය ඉලක්කය කරා ළඟාවීමට හැකියාව ලැබෙනු ඇතැයි ද ශ්‍රී ලංකා සංචාරක ප්‍රවර්ධන කාර්යාංශය විශ්වාසය පළකරයි.