විශ්වවිද්‍යාලයේ සිසුවියන් විනය විරෝධි ක්‍රියාවක නිරත වන බව පවසමින් සබරගමුව විශ්වවිද්‍යාලය දින නියමයක් නොමැතිව ඊයේ(05) දිනයේ දි වසා දමනු ලැබුණි.
කෙසේ වෙතත් ඊයේ පස්වරු 06.00 වන විට සියලුම සිසුන්ට නේවාසිකාගාර වලින් ඉවත් වන ලෙස විශ්වවිද්‍යාල පාලනාධිකාරිය දැනුම් දුන්න ද තවදුරටත් සිසුන් නේවාසිකාගාර වල රැඳී සිටින බව වාර්තා වෙයි.
ඒ අනුව අද දිනය තුළත් නේවාසිකාගාර වල ශිෂ්‍ය ශිෂ්‍යාවන් රැඳී සිටියහොත් ඔවුන්ගේ ශිෂ්‍යභාවය සම්පූර්ණයෙන්ම අහෝසි කරන බව උපකුලපතිවරයා සඳහන් කළේය.
කෙසේ වෙතත් ඊයේ (05 )සබරගමුව විශ්වවිද්‍යාලයේ නිසි ප්‍රමිතියෙන් තොරව ඉදිකළ කාන්තා නේවාසිකාගාරයක් ඉදිරිකිරීමට පැමිණි උසස් අධ්‍යාපන අමාත්‍ය එස්.බී. දිසානායකට සිසුන්ගේ විරෝධතාවයන් මැද එය විවෘත කිරීමට නොහැකි වූ බව වාර්තාවේ.
අදාළ උත්සවය සදහා එස්.බී. දිසානායක පැමිණෙ නමග හරස් කොට විරෝධතාවයක නිරත වූ සිසුන් පවසා සිටියේ මෙම නේවාසිකාගාරය විවෘත නොකරන ලෙසත් එය අවධානම් සහිත ස්ථානයක් බවත්ය.
කෙසේ නමුත් සිසුන් සදහා පොලිස් ජල ප්‍රහාරයන් දියත් කිරීමත් සමග ඇමැතිවරයා සරසවිය තුළට පිවිසියත් එහි කිසිදු උත්සවයක් සදහා සිසුන් සහභාගී නොවූ බැවින් සරසවියේ වෙනක් ගේට්ටුවකින් ඉවත්ව යාමට කටයුතු කර තිබිණි.
