මෙසේ මියගොස් ඇත්තේ උසස් පෙළ විභාගයට ඉගෙන ගන්නා පාසල් සිසුවකු වන ක්‍රිෂාන් දිල්හාන් (17) නමැති අයෙකි. මව හා පියා නිවසේ නොමැති අවස්ථාවක පරිගණකය පුටුවක් උඩින් තබා ක්‍රියාත්මක කර ඊට ඉදිරිපිටින් සිසුවා ගෙල තුවාල නොවන්නට ගෙල වටා තුවායක් හා රෙදිවලින් මසන ලද ඝනකම් පාපිස්නක්ද ඔතා ලණුවක් ගෙ‍ලේ ගැටගසා කාමරයේම වහ‍ලේ එල්ලී ඇති බව පොලිසිය කියයි.
දඹුල්ල වැඩබලන මහෙස්ත්‍රාත් ජයම්පති රත්නදිවාකර මහතා පැමිණ පරීක්ෂා කර බලන විට ලැප්ටොප් පරිගණකය රහස් අංකයක් යොදා ඇතුළුවීම වළකා තිබිම නිසා එය විවෘත කිරීමට දන්නා අයකු ලවා පරීක්ෂා කර අධිකරණයට දන්වන ලෙස නියෝග කරන ලදී.
මියගිය සිසුවාගේ පියා වන උපාලි ජයලත් මහතා කියා සිටියේ තම දරුවාට සියදිවි හානි කර ගැනීමට තරම් කිසිදු ප්‍රශ්නයක් නොතිබූ බවය. ඔහු නිතර තනිව සිටීමට කැමැත්තක් දක්වන සිසුවකු බවද කියයි. ග‍ලේවෙල පොලිසියේ වැඩබලන ස්ථානාධිපති පො.ප. සාගර රාජකරුණා මහතා පරීක්ෂණ මෙහෙයවයි.
