දැනට ඇස්තමේන්තු කර ඇති ආකාරයට දඩයක්කාරයන් විසින් හැම මිනිත්තු පහළොවකටම එක අලියකු බිම හෙලන බව, ඉහත කී දැනුවත් කිරීමේ වැඩසටහන දියත් කරන සංවිධායකයන් පවසති.
ඇත් දළ ජාවාරම
එම අපරාධය දිගටම කර ගෙන ගියොත් ඉදිරි වසර විස්ස ඇතුළත අලි ඇතුන් සහ ‘රයිනෝ’ ජීවීන් මිහිතලයෙන් වඳ වී යන අනතුරක් පවතින බව, ඔවුන් පෙන්වා දෙති.
අලි ඇතුන් දළ ලබා ගැනීමට ද, රයිනෝ ජීවීන් එම සතුන්ගේ අඟ ලබා ගැනීමට ද මරා දමනු ලැබෙති.
අඟ නිසා ජීවිතය අහිමි වෙන රයිනෝ
ඇත් දළ සහ රයිනෝ අං හැඩ වැඩ කරන කම්හල් සහ ඒවා විකුණන වෙළෙඳ සැල් වහාම වසා දමන ලෙස, ඉහත කී උද්ඝෝෂණ ව්‍යාපාරයේ සංවිධායකයන් ඉල්ලා සිටියි.
එම අපරාධ වලට එරෙහි නීතිය දැඩි කරන මෙන් ඉල්ලා සිටින ඉහත කී සංවිධායකයෝ අලි ඇතුන් සහ ‘රයිනෝ’ වැනි දුර්ලභ ගණයේ දැවැන්තයන් වඳ කරන අපරාධකරුවන්ට එරෙහිව දැඩි දඬුවම් පනවන ලෙස ඉල්ලීමක් ද කරති.
‘රයිනෝ’ ජීවීන් මරා හා නොමරා එම සතුන්ගේ අඟ කපා ගැනීමට එක හේතුවක් වී තිබෙන්නේ එහි වාජීකරණ බලයක් ඇති බවට මතයක් පැතිර යාමත් සමඟයි.
(බිබිසි)
