එම පක්ෂයේ මහ ලේකම් තිස්ස අත්තනායක මහතා බීබීසී සංදේශය සමඟ සාකච්ඡාවකට සහභාගී වෙමින් කියා සිටියේ, බොදු බල සේනා ඉදිරිපත් කරන කරුණු පළමුවෙන් සලකා බැලිය යුතුව ඇති බවයි.
‘අපි උත්සාහ කරන්නේ හැම දෙනාම එකට එකතු කර ගත් දේශපාලන බලවේගයක් ගොඩ නැගීමට. ඊළඟ මැතිවරණය මහ මැතිවරණයක් හෝ ජනාධිපතිවරණයක් විය හැකියි. එය කුමක් වුනත් සියලු බලවේග එකම වේදිකාවකට ගෙනැවිත් රට වෙනුවෙන් එක පදනමක් ඇති කර ගත යුතුව තිබෙනවා’ මහ ලේකම්වරයා පවසයි.
එවැනි තත්වයක් යටතේ බොදු බල සේනා අදහස් කෙරෙහි ඉතා දැඩි අවධානය යොමු කොට ප්රතිචාරය පළ කරන බව ඔහු කියා සිටියේ ය.
‘කෙටි න්යාය පත්රයක්’
විධායක ජනාධිපති ආණ්ඩු ක්රමය ඇතුළු වෙනත් පොදු කාරනා සම්බන්ධයෙන් එක්සත් ජාතික පක්ෂය ‘ කෙටි න්යාය පත්රයක්’ යෝජනා කර ඇතැයි සඳහන් කරන එක්සත් ජාතික පක්ෂයේ මහ ලේකම් තිස්ස අත්තනායක මහතා, වැඩි දුරටත් ප්රකාශ කළේ බොදු බල සේනා සංවිධානය ඇතුළු වෙනත් සංවිධානවල අදහස් ද සැලකිල්ලට ගනිමින් පොදු න්යාය පත්රයක් කරා අවතීර්ණ විය යුතුව ඇති බවයි.
(මුලාශය- බිබිසි සංදේශය)
