ශුද්ධෝත්තම දෙවැනි ෆ්‍රැන්සිස් පාප්වහන්සේගේ ශ්‍රී ලංකා සංචාරය ජනවාරි මාසයට යෙදී ඇති බැවින් එම කාලය තුළ මැතිවරණයක්‌ පැවැත්වීම යෝග්‍ය නොවන බවද ඔව්හු පෙන්වා දෙති.
ඒ හැර ජනාධිපතිවරණය ප්‍රකාශයට පත් කිරීමෙන් පසු ප්‍රචාරක කටයුතු සඳහා අපේක්‍ෂකයන්ට සැලකිය යුතු කාලයක්‌ ලබාදිය යුතුව තිබේ. නොවැම්බර් 19 දා ජනාධිපතිවරණය ප්‍රකාශයට පත්කොට ජනවාරි 10 දා ඡන්දය පැවැත්වීමට තීරණය කළොත් නාමයෝජනා භාරගැනීමට වෙන් කරන දින 14 කාලසීමාව හැර ප්‍රචාරක කටයුතු සඳහා ලැබෙන්නේ දින 38 කි.
මේ අතර, ජනාධිපති ජ්‍යොතිෂවේදී සුමනදාස අබේගුණවර්ධන මහතා 'සිළුමිණ' පුවත්පතට පවසා ඇත්තේ, ජනවාරි මාසයේ පාප්තුමාගේ සංචාරයට කලින් ජනාධිපතිවරණයක් පැවැත්වෙනු ඇති බවක් තමන් නොදන්නා බවයි.
කෙසේ වුව ද 2015 අප්‍රේල් මාසයට පෙර ජනාධිපතිවරණයක් පැවැත්වෙනු ඇති බවට තමා කලින් සිළුමිණ පුවත්පතෙන් කළ අනාවැකිය සත්‍යයක් වනු ඇතැයි පවසන අබේගුණවර්ධන මහතා, ලබන වසරේ පැවැත්වෙන එම ජනාධිපතිවරණයෙන් ද මහින්ද රාජපක්ෂ මහතා ඒකාන්තයෙන් ම ජයග්‍රහණය හිමිකරගනු ඇතැයි අවධාරණය කර සිටියි.
