ඒ අනුව ඒවැන්නන් සදහා 60%ක අවස්ථාවක් ලබාදෙන ලෙසට පක්ෂ නායකයන්ගෙන් ඉල්ලීමක් කරන බව ශ‍්‍රී ලංකා සංවර්ධන නිලධාරීන්ගේ සංගමය සදහන් කරයි.
එම සංගමයේ ප්රධාන ලේකම් දේශශක්ති අජිත් ජයසුන්දර මහතා සදහන් කරන්නේ තම සංගමය මැදිහත් වී මේ පිළිබදව සහ වෙනත් කරුණු ඇතුළත් කර පස්වැදෑරුම් ප‍්‍රතිපත්ති මාලාවක් සකස් කර තිබෙන බවත්, එම ප‍්‍රතිපත්ති මාලාව ඉදිරියේදී පක්ෂ නායකයන්ට, පූජ්‍ය පක්ෂයට, වෘත්තීය සමිති නායකයන්ට, බහුජන ව්‍යාපාර වල නායකයන්ට ලබාදීමට කටයුතු කරන බවයි.
ව්‍යවස්ථාදායකය නියෝජනය කරන්නන්ගෙන් 50%ක් උසස් පෙළ අසමත් වීම රටේ ඉදිරි ගමනට බාධා ගෙන දෙන්නක් බැවින් ව්‍යවස්ථාදායකය විසින් සකස් කරන අධ්‍යාපන ප‍්‍රතිපත්ති,ආර්ථික ප‍්‍රතිපත්ති,අන්තර්ජාතික සහයෝගීතා ප‍්‍රතිපත්ති,සංස්කෘතික ආරක්ෂණ ප‍්‍රතිපත්ති,යහපාලනය ස්ථාපිත කිරීමට අදාළ ප‍්‍රතිපත්ති ජනතාවාදීද යනුවෙන් ප‍්‍රශ්නයක් පැන නගින බවද ඔහු පවසා සිටියේය.
