කිසිදු චෝදනාවක් නොමැතිව මෙලෙස දින දෙසීයක කාලයක් රඳවා තබා ගැනීම මානව හිමිකම් කඩ කිරීමක් බව විරෝධතාකරුවන් පෙන්වා දෙයි.
එල් ටී ටී ඊ සංවිධානය නැවත ප්‍රතිසංවිධානය කිරීමට සහය දැක්වූ බවට චෝදනා කරමින් ජයකුමාරි සිය දොළොස් හැවිරිදි දැරිය සමගින් පොලිසිය විසින් අත්අඩංගුවට ගනු ලැබීය.
එහෙත් විරෝධතාකරුවන් පෙන්වාදෙන්නේ බ්‍රිතාන්‍ය අග්‍රාමාත්‍යවරයා ශ්‍රී ලංකාවට පැමිණි විට අතුරුදහන් වූ තම පුත්‍රයා වෙනුවෙන් හඬ නැගීම ජයකුමාරි බාලේන්ද්‍රන් අත්අඩංගුවට ගැනීමේ සැබෑ හේතුව බවයි.
කොළඹ කොටුව දුම්රිය පොළ ඉදිරිපිට පැවති එම විරෝධතාවට විරුද්ධව තවත් පිරිසක් එම ස්ථානයේම විරෝධතාවක් පවත්වනු ලැබීය.
