''ජනාධිපතිතුමා තීන්දුවක් අරගෙන තියෙනවා වසර 4 අවසාන වුණාම එතුමාගේ ව්‍යවස්ථානුකූලව තිබෙන අයිතිය, ව්‍යවස්ථානුකූලව ව්‍යවස්ථාව තුළ තිබෙන ප‍්‍රතිපාදන සමග එතුමාට සිතෙන ආකාරයට යා හැකිය කියලා. එලෙස වුවහොත් බොහෝ විට ජනවාරි මාසයේ මැතිවරණය. 


කුමන්ත්‍රණයක් :


මේ අතර ඉකුත් දා අමාත්‍ය විමල් වීරවංශ මහතා ද ඉදිරි ජනාධිපතිවරණය පිළිබඳ මෙලෙස අදහස් පළකළේය.

 '' විරුද්ධ පක්ෂයේ සිටින විනාශකාරී මතවාද පතුරුවන දේශපාලන කල්ලිවලට  ඕනිවෙලා තිබෙනවා නැවත මේ රට අස්ථාවර කරන්න. ඊළඟ ජනාධිපතිවරණ අවස්ථාව බලාගෙන ඉන්නවා. ජනාධිපතිවරණයක් ඉක්මනට එනවැයි කියලා රටේම මතයක් තිබෙනවා. මාධ්‍ය මගින් දාල තියෙනවා ජනවාරි මාසයේ තියෙනවයි කියලා. 

ඒ ජනාධිපතිවරණය ඉක්මනට එනවා නම් සිංහල ඡන්ද තීරු තීරුවලට කඩලා, සිංහල බෞද්ධයාගේ ඡන්ද එක පැත්තකට ගොඩ ගහලා, සිංහල කතෝලිකයාගේ ඡන්දත් තවත් කොටසක් කඩලා, එසේම සෙසු සිංහල ජනතාවගේ ඡන්දත් පාට පාට අනුව කඩලා අවසානයේ ඉතාම අරාජික තත්ත්වයක් රටේ හදන්න ඒ විදේශ බලවේග අද උත්සාහයක යෙදෙමින් ඉන්නවා මේ රටේ ඔවුන්ගේ හිතවත් දේශපාලන කල්ලි පාවිච්චි කරලා. 


 වෙනත් විකල්පයක් :


 මේ අතර ජාතික හෙල උරුමයේ නියෝජ්‍ය මහලේකම් බස්නාහිර පළාත් අමාත්‍ය උදය ගම්මන්පිල මහතා ද ජනාධිපතිවරණය සම්බන්ධයෙන් ඊයේ පැවති මාධ්‍ය හමුවකදී අදහස් දැක්විය. එහිදී ඔහු මෙසේ පැවසිය. . 


''ජනාධිපතිතුමාගේ නිල කාලය ඉවර වෙන්න තව අවුරුදු දෙකක් තිබෙනවා. ජනාධිපතිතුමා කැමති නම් නොවැම්බර් මාසේ 19 වැනිදායින් පස්සේ ජනාධිපතිවරණය ප‍්‍රකාශයට පත් කිරීමට අවස්ථාව තිබෙනවා මිසක් එතුමා බැදිලා නැහැ ප‍්‍රකාශයට පත් කරන්න. ඒක එතුමාගේ පෞද්ගලික තීන්දුවක්. නීතිමය බැඳීමක් නෑ. ජනාධිපතිතුමාගේ පෞද්ගලික කැමැත්ත ගැන තිබෙන කාරණයක්. අපිට එතුමාගෙන් එය ප‍්‍රශ්න කරන්න බැහැ. 

එතුමා තීරණය කළොත් ජනාධිපතිවරණයකට යන්න සන්ධානයේ පාර්ශ්වකරුවන් විදිහට, මේ රට බේරා ගැනීමට කටයුතු කළ නායකයා ලෙස, අපේ ඉල්ලීම් ඉටු කළ නායකයා ලෙස අපි එතුමා සමගයි උත්සාහ කරන්නේ සන්ධානය ගොඩනගලා කටයුතු කරන්න. එහෙම බරපතල නොහැකියාවක් මතු වුවහොත් පමණයි අපි වෙනත් විකල්ප ගැන අවධානය යොමු කරන්නේ.''