රජරට විශ්ව විද්‍යාලයේ ලේඛකාධිකාරී සහ පාලක සභාවේ ලේකම් ඒ.එම්.ජී.පී. අබේසිංහ මහතා විසින් අදාළ නිවේදනය සිසුන් වෙත භාර දී තිබේ.
ඒ නිවේදනයට අනුව උපකුලපතිවරයා සිසුන්ගේ ග‍්‍රහණයේ සිටින අවස්ථාවේදී කිසියම් එකඟතාවක් ඇතිකර ගත්තේ නම් ඒවා ද බලාත්මක නොකරන බවටද පාලක සභාව ඒකමතිකව තීරණය කර ඇත.
මේ අතර ඊයේ (02) රාත‍්‍රියේ අත්අඩංගුවට ගැනුණු රජරට විශ්ව විද්‍යාලයේ මහා ශිෂ්‍ය සංගමයේ සභාපති ඇතුළු ශිෂ්‍යක්‍රියාකාරීහු සිව් දෙනෙක් අනුරාධපුර ප්‍රධාන මහේස්ත්‍රාත් යුරේෂා ද සිල්වා මහත්මිය විසින් ලබන 07 වැනි දා තෙක් රිමාන්ඩ් කරනු ලැබූහ.
මිහින්තලේ පොලිසිය සැකකරුවන් අධිකරණයට ඉදිරිපත් කළේය.
