ශ්‍රී ලංකාවේ සංහිඳියාව, වගවීම සහ මානව හිමිකම්වල ප්‍රගතිය පිළිබඳ මානව හිමිකම් පිළිබඳ මහ කොමසාරිස් කාර්යාලයේ (OHCHR) විස්තීර්ණ වාර්තාව ඉදිරිපත් කෙරෙනු අතර ඒ පිළිබඳ අන්තර්ක්‍රියාකාරී සංවාදය හෙට පැවැත්වීමට නියමිතය.
එක්සත් ජාතීන්ගේ මානව හිමිකම් කොමසාරිස් වොල්කර් ටර්ක් හෙට කවුන්සිලයට ඉදිරිපත් කරන ශ්‍රී ලංකාව පිළිබඳ සිය වාර්තාවේ සඳහන් කර ඇත්තේ, ජාතික ජනතා බලවේග ආණ්ඩුව මාර්ගගත ආරක්ෂණ පනත සංශෝධනය කිරීමට කැපවී සිටින බව ප්‍රකාශට පත් කර තිබෙන නමුදු ද, එම නීතිය තවමත් ක්‍රියාත්මක වන බවයි.
ශ්‍රී ලංකා මානව හිමිකම් කොමිසම, මානව හිමිකම් පිළිබඳ මහ කොමසාරිස් කාර්යාලය සහ එක්සත් ජාතීන්ගේ මානව හිමිකම් විශේෂඥයින් මීට පෙර එහි වැරදි පිළිබඳ, නොපැහැදිලි අර්ථ දැක්වීම්, පුළුල් බලාත්මක කිරීමේ බලතල, අසමානුපාතික දඬුවම් සහ අධිකරණ අධීක්ෂණයක් නොමැතිකම පිළිබඳව බරපතල කනස්සල්ල පළ කර ඇති බව ද මෙම වාර්තාවේ සඳහන් වේ.
මාර්ගගත ආරක්ෂණ පනත සහ ත්‍රස්තවාදය වැළැක්වීමේ පනතේ මඟින්, අදහස් ප්‍රකාශ කිරීමේ නිදහසට සහ ප්‍රකාශනයේ නිදහසට අනවශ්‍ය ලෙස සීමා කරන බලගතු නීතිමය රාමුවක් නිර්මාණය කර ඇති බවත්, එමෙන්ම ICCPR පනත ඇතුළුව අදහස් ප්‍රකාශ කිරීමේ නිදහසට, සංගමයට සහ සාමකාමී රැස්වීමකට ඇති අයිතියට අනවශ්‍ය ලෙස සීමා කරන, පවතින නීති හෝ යෝජිත නීති අවලංගු කිරීමට හෝ සංශෝධනය කිරීමට රජයෙන් ඉල්ලා සිටින බවත් එම වාර්තාවේ වැඩිදුරටත් සඳහන් වේ.
විදේශ අමාත්‍ය විජිත හේරත් එක්සත් ජාතීන්ගේ මානව හිමිකම් කොමිසමේ හි 60 වන සැසිවාරය සඳහා රට නියෝජනය කරමින් සහභාගී වීමට නියමිතය.
එමෙන්ම ශ්‍රී ලංකාව පිළිබඳ නව යෝජනාවක් මෙම මස අගදී ඉදිරිපත් කිරීමට නියමිත අතර,
යෝජනා කෙටුම්පත් කිරීමේ අවසාන දිනය සැප්තැම්බර් 25 බවද සඳහන් වේ.
