ඒ අතරින්, ඇටසැකිලි පොකුර තුළ අංක 227 ලෙස ලේබල් කරන ලද ඇටසැකිල්ලක් කකුල් නැවී වාඩි වී සිටින (එරමිණිය ගොතාගෙන) වළලනු ලැබ ඇති බව සොයා ගන්නා ලදී.
මෙම අසාමාන්‍ය භූමදාන ඉරියව්ව සම්බන්ධයෙන් යාපනය විශ්ව විද්‍යාලයේ හින්දු අධ්‍යයන පීඨයේ ජ්‍යෙෂ්ඨ කථිකාචාර්ය රාමනරාජා ගේ නීරීක්ෂණයට යොමු කර තිබේ.
ඔහු දේහය පරීක්ෂා කිරීමෙන් පසු, බැලු බැලිමටම මෙම ඇටසැකිල්ල හින්දු අවමංගල්‍ය චාරිත්‍රවලට අනුව වළලනු නොලැබූ බව පෙනෙන බව විශේෂඥයින්ට දැනුම් දුන් බව නීතිඥ නිරන්ජන් මාධ්‍ය වෙත පැවසීය.
චෙම්මනි සමූහ මිනීවළ, පොදු සුසාන භූමියක් බවට මතයක් තහවුරු කිරීමට ඇතැම් පිරිස් උත්සහ ගනිමින් තිබේ.
කෙසේ වෙතත්, ඇටසැකිල්ල අංක 227 පිළිබඳ සවිස්තර වාර්තාවක් අධිකරණයට ඉදිරිපත් කිරීමට කථිකාචාර්ය රාමනරාජාට කාලය ලබා දී ඇත.
චෙමනි සමූහ මිනීවළ කැණීමේ දෙවන අදියර සෙනසුරාදා (6) දින අවසන් විය. දෙවන අදියරේදී කැණීම් දින 45 ක් පැවතුනි.
