පසුගිය රජය ඉදිරිපත් කළ අධ්‍යාපන ප්‍රතිසංස්කරණ යෝජනාවලට සාධනීය වෙනස්කම් සිදුකරන බවත්, එමගින් සිසුන්ට වඩාත් යෝග්‍ය වූ අධ්‍යාපන ක්‍රමයක් ගොඩනැගීමට උත්සාහ ගන්නා බවත් ඇය වැඩිදුරටත් සඳහන් කළාය.
2026 වසරේ සිට අධ්‍යාපන ක්‍රමයෙහි තරගකාරීත්වය අවම කිරීමට, විභාග ක්‍රමය හා විෂය නිර්දේශය යාවත්කාලීන කිරීමට අවශ්‍ය පියවර ගෙන ඇති බවද අග්‍රාමාත්‍යවරිය පාර්ලිමේන්තුවට දැනුම්දුන්නාය.
එහි දී අග්‍රාමාත්‍යවරිය පවසා සිටියේ
"නව අධ්‍යාපන ප්‍රතිසංස්කරණ මගින් විෂය නිර්දේශය ඇඟයීම් සහ තක්සේරු ක්‍රියාවලිය සංශෝධනය වන අතර, වර්තමානයේදී සිසුන්ට ඇතිවෙන අධික පීඩනය අඩු කරන අයුරින් මෙම වෙනස්කම් සිදුකෙරේ. අපේක්ෂා කරන්නේ විභාග මධ්‍යස්ථිතාවට වඩා ප්‍රායෝගික හා සිසුන්ට පහසු අධ්‍යාපන පද්ධතියක් උදාකරන බවයි,"
ඒ අනුව, සෞන්දර්යය, තොරතුරු තාක්ෂණය සහ ගිණුම්කරණය වැනි විෂයන් අන්තර්ගතව, අධ්‍යාපන කටයුතු සවිබල ගැන්වීමට සැලසුම් කරන බවත්, එම විෂයන් ඉවත් කිරීමට කිසිසේත්ම අදහස් නොකරන බවත් ඇය වැඩිදුරටත් ප්‍රකාශ කළාය.
"මෙවැනි විෂයන් අධ්‍යාපනයේ අයත් විය යුතුය. එමඟින් විෂය නිර්දේශය වඩාත් සාර්ථක කරගත හැක," ලෙස අග්‍රාමාත්‍යවරිය වැඩිදුරටත් අවධාරණය කළාය.
ඉන් එහා ගුරු පුහුණුව, පාසල් සංවිධානය සහ යටිතල පහසුකම් වර්ධනය මෙන්ම විෂය අන්තර්ගතයන් පිළිබඳ අවධානය යොමුකරමින් අධ්‍යාපන ක්‍රමය විශාල වෙනසකට ලක් කිරීමට බලාපොරොත්තුවන බවද ඇය අවසන් කරමින් සඳහන් කළාය.
