ගල් ඔයේ ඉවුරට හානිවන අයුරින් ගොවීන් වී වගා කර ඇතැයි කී අධ්‍යක්ෂ ජනරාල්වරයා සේනානායක සමුද්‍රයෙන් මුදාහරින ජල ධාරිතාව දරා ගැනීමට එම ඉවුර ශක්තිමත්ව පිහිටා නැතැයි සඳහන් කළේය.
ඉකුත් දින කිහිපයේදී අම්පාර ප්‍රදේශයට අධික වර්ෂාපතනයක් ලැබුණු බව කී හෙතෙම සේනානායක සමුද්‍රය වසර දහයකට පසුව වාන් දැමීම හේතුවෙන් තප්පරයට ඝන අඩි 1,200ක ජල ධාරිතාවක් මුදාහැරි බව ද ප්‍රකාශ කළේය.
සේනානායක සමුද්‍රය යටතේ වගා කළ කුඹුරු අක්කර 120,000න් අක්කර 1,000ක් පමණ ඉවුර කැඩී යෑමෙන් යට වී ඇතැයි කී අධ්‍යක්ෂ ජනරාල්වරයා කෘෂිකර්ම දෙපාර්තමේන්තුව, ගොවිජන සේවා දෙපාර්තමේන්තුව සහ ගොවි රක්ෂණ මණ්ඩලයෙන් වගා හානි කුඹුරු ප්‍රමාණයේ සත්‍ය තොරතුරු ඉල්ලා ඇතැයි කීය. ඉදිරි දින කිහිපයේදී ජලය බැසගිය පසුව අම්පාර වාරිමාර්ග කාර්යාලයේ සහායෙන් ගල් ඔයේ ඉවුර යළි සැකසීමට පියවර ගන්නා බවද ගුණසේකර මහතා පැවසීය.
මව්බිම
