කෙසේ වෙතත් එම වන අලියාගේ මරණයට හේතුව කිසියම් අයෙකු විසින් වලිගය කපාගෙන යාම නොවන බව උඩවලව වනෝද්‍යාන භාරකරු කැළුම් පතිරණ මහතා අවධාරණය කර සිටියි.
එම වන අලියාගේ මරණය පිළිකාවක් වැනි වෙනත් රෝගයක් නිසා සිදුව ඇති බව ඔහු කියා සිටියේ ය.
'' ඇත්තටම ඒ වන අලියාගේ මරණයට හේතුව නැට්ට කපපු එක නෙවෙයි, පශු වෛද්‍ය වාර්තාවේ පැහැදිළිව තිබෙනවා, ඒ සතාගේ බඬේ විශාල ගෙඩියක් තිබුණා, ඒ සතාගේ පිලිකාවක් තිබෙනවා කියලා. ඒ සතා මඬේ එරිලා දුර්වල වෙච්චි සතෙක්. එම නිසා මේක මානුෂික කාරණාවක්. ඒ පුද්ගලයා නැට්ට කපන් ගියේ මඬේ එරිච්ච සතෙක්ගේ. මරණයට පත්වෙමින් අසාධ්‍ය වෙලා ඉන්න සතෙක්ගේ නැට්ටේ අග කොටස කපන් ගියේ. එහි පශු වෛද්‍ය වාර්තාව තවම එළියට ආවේ නැහැ. පරීක්‍ෂණය සිදු කරන අවස්ථාවේ අපේ නිලධාරීන් එම ස්ථානයේ සිටියා. නැට්ට කපා ගැනීම නිසා අලියා මැරුණ කියලා එළියට ගියපු හේතුව සම්පූර්ණයෙන්ම වැරදියි. නමුත් ඒක නෙවෙයි හේතුව. වෙනත් රෝගී තත්ත්වයක් හේතුවෙන් අලියා අසාධ්‍ය තත්ත්වයේ හිටියේ. '' යයි ඔහු වැඩිදුරටත් පැවසිය.
කෙසේ වෙතත් වනෝද්‍යානයක වෙසෙන සතුන්ගේ ආරක්ෂාව සහතික කිරීමට වනජීවි නිලධාරීන්ට රාජකාරිමය වගකීමක් පැවරී ඇත. ඉහත සිද්ධියේදී එම වගකීම පැහැර හැර ඇති බව ඇතැම් පාර්ශ්ව චෝදනා කරති.
අදාළ වන අලියාගේ වලිගය කපාගෙන ගිය පුද්ගලයාද තවමත් අත්අඩංගුව ගෙන හෝ හඳුනාගෙන නොමැත.
