මීළඟ ජනාධිපතිවරණය හෝ මහ මැතිවරණය බොහෝ විට ලබන වසරේ පැවැත්වෙනු ඇතැයි ඉඟි පළ කරන මැතිවරණ කොමසාරිස්වරයා ඒ බව කියා සිටියේ, 2014 ඡන්ද හිමි නාමලේඛනයට නම ඇතුළත් කිරීමේ වැදගත්කම අවධාරණය කරමිනි.
'' ඡන්ද ලැයිස්තුවේ නම තිබුණොත් විතරයි ඡන්දේ දාන්න පුළුවන්. ඡන්ද ලැයිස්තුවේ නම් නැතිව මැතිවරණ කොමසාරිස්ටවත් ග‍්‍රාම නිලධාරිටවත් බනින්න එපා. මොකද අපට ඇහෙනවා කස පුපුරණ සද්දෙයි, ගිනිබෝල කරකවන ඒවායි එළියයි. නිල දැනුම්දීමක් නැහැ පෙරහැර අද පැවැත්වෙනවයි කියලා. එහෙත් කස පුපුරන එක, ගිනි බෝල හදන එක, නැටුම් පුරුදුවෙන එක පේනවා. එසේ නම් පෙරහැර එන්න ඉඩ තියෙනවා. එහෙම වුණොත් මේ ඡන්ද ලැයිස්තුවෙන් තමයි. මේ ඡන්ද ලැයිස්තුවේ නම නැති වුණොත් ටෙස්ට් මැච් එකට ඡන්දෙ නැහැ. ''
2014 ඡන්ද හිමි නාමලේඛනය සැකසීම මේ වන විට අවසන් අදියරට එළැඹ ඇතැයිද පැවසු මැතිවරණ කොමසාරිස්වරයා, කෙසේ වෙතත් ඊට නම ඇතුළත්ව නැති ඡන්ද දායකයන්ට සිය නමද ඊට ඇතුළත් කර ගැනීම සඳහා තවමත් අවස්ථාව තිබෙන බවද කියා සිටියේ ය.
''2014 ඡන්ද හිමි නාමලේඛනයට අයදුම්පත් භාරගැනීම, ඡන්ද ලැයිස්තුවේ නම් නැති අයට තමන්ගේ කඩදාසි භාර දෙන්න බැරි වෙච්චි අයට, නම් කැපිච්ච අය සැප්තැම්බර් 30 වෙනිදාට කලින් අයදුම්කරන්න ඕනි. ඒ නාම ලේඛනයේ පිටපත් අපි ග‍්‍රාම නිලධාරී කාර්යාලවල ප‍්‍රදර්ශනය කරනවා...'' යයි ප‍්‍රකාශ කළේය.
