කුරුණෑගල, වැල්ලව ප්‍රදේශයේදී මීට දින කිහිපයකට ඉහතදී පැහැර ගැනීමට ලක්වූ බව කියන කේෂාණි බණ්ඩාර නැමැති සිව්හැවිරිදි දැරිය නෙරියාව ප්‍රදේශයේ වෙළඳසැලක් අසළ දමාගොස් සිටියදී සොයාගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි අජිත් රෝහණ මහතා පවසයි.අතුරුදහන්ව දින 03කට පසුව තමාරා කේෂානි නැමැති අවුරුදු 4යි මාස 5ක්‌ වයසැති දැරියව මෙලෙස සොයා ගෙන ඇත්තේ ඉබ්බාගමුව කුඹුක්ගැටේ ප්‍රදේශයෙනි.
පසුගිය 08 වැනිදා රාත්‍රී සිය මව්පියන් හා සහෝදරයා සමග නිදා සිටියදී දැරිය පැහැර ගැනීමට ලක්ව තිබූ අතර දැරිය නිදා සිටි නිවසේ ඇඳ සමීපයේ තිබූ ඉටි රෙද්දක් කපා දමා ඇය පැහැරගෙන ඇති බව මාධ්‍ය මගින් අනාවරණය කෙරිණ.
මෙම සිද්ධිය සම්බන්ධයෙන් වැල්ලව පොලිසීයට පැමිණිල්ලක් ලැබීමත් සමඟ විමර්ශන ආරම්භ කෙරුණි. ඒ අනුව රම්බඩගල්ල , කුරුණෑගල, පොල්ගහවෙල, වාරියපොල, පොතුහැර, වාරියපොල, ගොකරැල්ල, නාරංවල, මහව පොලිස් ස්ථානවලින් ද පරීක්ෂණ ආරම්භ කළ අතර අපරාධ පරීක්ෂණ දෙපාර්තමේන්තුව ද විමර්ශණ කටයුතු ආරම්භ කළේය.
මේ ගැන පොලිස් කණ්ඩායම් කිහිපයක් මෙන්ම රහස් පොලීසිය ද පරීක්ෂණ ඇරඹු අතර නිවැරදි තොරතුරක් දෙන පුද්ගලයෙකුට රුපියල් දසලක්ෂයක ත්‍යාගයක් දෙන බවද ඊයේ(11) නිවේදනය කෙරුණි.
