ජනාධිපති අපේක්ෂක ජනාධිපති රනිල් වික්‍රමසිංහ මහතාගේ ජය තහවුරු කිරීම වෙනුවෙන් මහියංගනයේ පැවති ජන රැළියට එක්වෙමින් ඒ මහතා මෙලෙස සදහන් කලේය.
දිලුම් අමුණුගම අමාත්‍යවරයා වැඩිදුරටත් පවසා සිටියේ,
රනිල් වික්‍රමසිංහ මැතිතුමා මේ රට භාරගන්නකොට තිබුණේ හිස් භාණ්ඩාගාරයක්. රටේ සේනාධි නායකයා නැහැ. පැනැල ගිහිල්ලා. නමුත් ඒ‍තුමා රටේ වගකීම භාරගත්තා. රටේ නැතිව තිබුණු බෙහෙත් ටික, තෙල් ටික ගෑස් ටික ගෙනාවා. ජාත්‍යන්තර මුල්‍ය අරමුදල එක්ක සාකච්ඡා කරා. ලෝක බැංකුවල සහය පැතුවා. රට රටවල්වලට ගිහින් විදේශ සම්බන්ධතා ශක්තිමත් කරගත්තා. තමන්ගේ දැනුම උපයෝගි කරල එතුමා මේ රට බේරගත්තා.
දැන් රටේ ජනතාවට ලැබෙන වරප්‍රසාද ලැබෙනවා. අස්වැසුම ලැබෙනවා. නැවත පාරවල් කාපට් වෙනවා. සංවර්ධනය වෙනවා. ගොවියන්ට පොහොර සහනාධාර ලැබෙනවා. නැවත මේ රට ඉස්සරහට යනවා ඔබ දකිනවා ඇති. මේ රටේ වගකීම වැටුණු රට භාරගත් නායකයෙක්ට මිස හැර ගිය නායකත්වයකට ඉඩ නොතැබිය යුතුයි.
