වනජීවි සංරක්ෂණ දෙපාර්තමේන්තුවේ පශූ වෛද්‍ය නිලධාරීන් ආරම්භ කර ඇති වෘත්තීය සමිති ක්‍රියාමාර්ගය හේතුවෙන් පීඩාකාරි වන අලි අල්ලා වනෝද්‍යාන වෙත මුදා හැරීමේ මෙහෙයුම් නතර වී තිබේ. ඉල්ලීම් කිහිපයක් මුල්කර ගනිමින් පසුගිය මස 30 වනදා සිට ඔවුන් මෙලෙස වෘත්තීය ක්‍රියාමාර්ගයක නිරතව සිටින බව සඳහන්ය.
ජනතාවට පීඩාකාරි අලි ඇතුන් ඉවත් කිරීමේ ඉතා අසීරු අවදානම් කටයුත්තක් සිදු කරන තමන්ගේ ඉල්ලීම් සම්බන්ධයෙන් මේ වන තෙක් බලධාරීන්ගේ අවධානය යොමු වී නොමැති බව ශ්‍රී ලංකා වන ජීවි පශු වෛද්‍ය නිලධාරීන්ගේ සංගමයේ ලේකම් වෛද්‍ය බී. ඒ. සී.එස්. ජයවර්ධන මහතා පැවසීය.
මේ සම්බන්ධයෙන් අදහස් විමසීමට වනජීවි අධක්ෂවරයා සම්බන්ධ කර ගැනීමට අප උත්සහා කළද එය ව්‍යර්ත විය.
