මත්පැන් බලපත්‍ර නිකුත් කළ සමාගම් වෙතින් 2005 වසරේ සිට 2013 සැප්තැම්බර් දක්‌වා සුරා බදු ලෙස රුපියල් කෝටි විසි පන්දහස්‌ තුන්සිය අනූහයක (25396) මුදලක්‌ රැස්‌ කරගෙන ඇති බවද එම ලේඛනයේ සඳහන් වේ.
සුරාබදු දෙපාර්තමේන්තුව විසින් 2013 ජනවාරි සිට සැප්තැම්බර් දක්‌වා කාලය තුළ සංචාරක මණ්‌ඩලය අනුමැතිය ලත් ආයතනවලට පමණක්‌ මත්පැන් බලපත්‍ර 42 ක්‌ ලබාදී තිබෙන බවද, 2012 සහ 2013 වසරවල සුරා බදු ගෙවීම් පැහැර හරින ලද සමාගම් නැතැයිද සභාගත කළ ලේඛනයේ දැක් වේ.
එක්‌සත් ජනිත පක්‍ෂයේ පත් කළ මන්ත්‍රී ඉරාන් වික්‍රමරත්න මහතා ඇසූ පැනයකට අදාළ පිළිතුරු ලෙස ඉහත ලේඛනය සභාගත කළේය.
'මතට තිත' මහින්ද චින්තනයේ ප්‍රධානතම අංගයකි.
මත්පැන් බලපත්‍ර නිකුත් කිරීම තුළින් 2013 වසරේ පළමු මාස නවය තුළ රජය රුපියල් කෝටි 4607 කට අධික මුදලක්‌ රැස්‌කරගෙන ඇතැයි ජාත්‍යන්තර මූල්‍ය සහයෝගීතාවය පිළිබඳ ජ්‍යෙෂ්ඨ ඇමැති සහ මුදල් නියෝජ්‍ය ඇමැති ආචාර්ය සරත් අමුණුගම මහතා ඊයේ (09 දා) පාර්ලිමේන්තුවේදී සභාගත කළ ලේඛනයක දැක් වේ.
Leave a comment
