මාතර ඉසදීන් නගරයේදී ඇති වූ සිද්ධියකදී යුද හමුදා මේජර්වරයකුට සහ ඔහුගේ මිතුරෙකුට වෛද්‍යවරයකු සහ තවත් තිදෙනෙක් පහරදී ඇති බවට වාර්තා වේ.
සිද්ධිය සම්බන්ධයෙන් පැමිණිල්ලක් මාතර පොලීසියට ලැබී ඇත. පැමිණිල්ලට අදාළව හමුදා මේජර්වරයාගෙන් සහ අනෙක් තැනැත්තාගේ ප‍්‍රකාශ සටහන් කර අධිකරණ වෛද්‍යවාර්තා ලබාදී තිබේ.
වෛද්‍යවරයා වැලිගම ප‍්‍රදේශයේ රෝහලක රාජකාරී කරන්නෙකු බවට වාර්තා වේ.
අදාළ පහරදීම සිදුව ඇත්තේ බීමත්කම නිසා ඇති වූ ආරවුලක් නිසා බවටද සැක පළව ඇත.
චෝදනාවට ලක්ව සිටින වෛද්‍යවරයා සහ ඔහු සමග සිටි අනෙක් අය බීමත්ව සිටි බවට පහරදීමට ලක් වූ යුද හමුදා මේජර්වරයා පොලීසියට ලබාදුන් ප‍්‍රකාශයේ සඳහන් වීම ඊට හේතුවයි.
මාතර ඉසදීන් නගරයේදී වෛද්‍යවරයෙකු ඇතුළු පිරිසක් විසින් යුද හමුදා මේජර්වරයෙකුට සහ තවත් පුද්ගලයෙකුට පහරදී ඇත. පොලිස් ප‍්‍රකාශක ජ්‍යෙෂ්ඨ පොලිස් අධිකාරී අජිත් රෝහණ මහතා පැවසුවේ මීට අදාළව චෝදනාවට ලක්ව සිටින වෛද්‍යවරයා සහ තවත් කිහිපදෙනෙකු අත්අඩංගුවට ගෙන සිටින බවයි.
Leave a comment
