ශ්‍රී ලංකා ගුවන් හමුදාවේ වැඩබලන මාධ්‍ය ප්‍රකාශක වින්කමාන්ඩර් පද්මන් ද කොස්තා මහතා සඳහන් කළේ තවත් රටවල් ගණනාවක් අභිභවා මේ අවස්ථාව ශ්‍රී ලංකා ගුවන් හමුදාවට ලබාදී ඇත්තේ ගුවන් හමුදාවේ වෘත්තීය නිපුණත්වය හා තාක්ෂණික හැකියාව විනයගරුකභාවය නිසා බවයි. එම හෙලිකොප්ටර් යානා මධ්‍යම අප්‍රිකා ජනරජයට යැවීමට කටයුතු සූදානම් කරමින් සිටින බවද ඔහු සඳහන් කළේය.
ශ්‍රී ලංකා ගුවන් හමුදාවේ හෙලිකොප්ටර් යානා එහි යැවීමට සූදානම් කරන ලෙස එක්සත් ජාතීන්ගේ සාමසාධක හමුදාව ශ්‍රී ලංකා ගුවන් හමුදාවට පූර්ව දැනුම්දීමක් කරතිබේ.
එක්සත් ජාතීන්ගේ සාමසාධක හමුදාව විසින් ශ්‍රී ලංකා ගුවන් හමුදාවෙන් කරන ලද එම ඉල්ලීම පිළිබඳව ලබන සතියේ ගුවන් හමුදා බලධාරීන් ප්‍රකාශයට පත්කිරීමට නියමිතය.
(මව්බිම)
