මේ හේතුවෙන් ගොවියාට මෙන්ම පාරිභෝගිකායට ද බලවත් අසාධාරණයක් සිදුවන බව මාධ්‍ය හමුවකට එක් වෙමින් ගොවි ජන එකමුතුවේ සභාපතිවරයා පවසා සිටියි.

මෙහි දී වැඩිදුරටත් අදහස් දැක්වූ ජාතික ගොවි ජන එකමුතුවේ සභාපති අනුරාධ තෙන්නකෝන් මෙසේ ද පැවසිය.

''මහපොළව සමග ඔට්ටු වෙන එළවලු ගොවියාට මේ මිල වැඩිවෙමේ වාසිය අත් වෙන්නේ නැහැ. ඒ වගේම පාරිභෝගිකයාට ඒ මිල වැඩිවීම වාසියක් වෙන්නෙත් නැහැ. ගොවියාව නැති කරන පාරිභෝගිකයාව සූරා කන අතරමැදි මාෆියාවක් මේ රටේ ක්‍රියාත්මක වෙනවා. මේ පිළිබද රජය මැදිහත් වීමක් සිදු කර යුතුයි.'' යනුවෙනි