මෝල් හිමියන් විසින් ඔවුන්ගේ ඇසුරුම්වල කීරි සම්බා සහල් කිලෝවක මිල රු. 260 ක් වන ලෙසට කිලෝ 05 හා 10 ඇසුරුම්වල සඳහන් කර ඇතත් වෙළෙඳසැල් හිමියන් විසින් පාලන මිල ඉක්මවා සහල් අලෙවි කරනු ලබයි.

ඇතැම් ප්‍රදේශවල සහල් කිලෝ 05 ඇසුරුමක් රු.1745 -රු.1800 අතර මුදලකට අලෙවි කරන අතර සහල් කිලෝ 10 ඇසුරුමක් රු.3450ක මුදලකට අලෙවි කරයි. කිලෝවක් හෝ කිලෝ දෙකක් වශයෙන් සහල් සිල්ලරට අලෙවි කිරීමේදී කිලෝවක් රු.360 ක පමණ මුදලකට අලෙවි කරනු ලබන බවත් වාර්තා වේ.

මෝල්හිමියන් සහල් ඇසුරුම් වෙළෙඳසැල්වලට ලබා දීමේදී වැඩි මුදලට අලෙවි කරමින් තිබෙන බවත්, මේ නිසා ජනතාවට සහල් අලෙවි කිරීමේදී වැඩි මිලට සහල් අලෙවි කිරීමට සිදුව තිබෙන බවත් ඇතැම් ව්‍යපාරිකයෝ සඳහන් කරයි