ලක් සතොස මඟින් දිනකට අල කිලෝ පනස්දහසකට වඩා වැඩි ප්රමාණයක් මිලදී ගනිමින් තිබියදී විපක්ෂය මහජනතාව මුලා කිරීමේ සහ ඡන්ද වාසි ලබාගැනීමේ අරමුණින් මෙම කුමන්ත්රණය කරගෙන යන බව එම පුවත්පත් වාර්තාවේ සඳහන්වේ.
වෙළෙඳ අමාත්යාංශය සහ ආර්ථික සංවර්ධන අමාත්යාංශය එක්ව පසුගිය සතියේ සිට මේ දක්වා ලක් සතොස හරහා අර්තාපල් කිලෝ ලක්ෂ පහකට ආසන්න ප්රමාණයක් මිලදී ගෙන ඇති බවත්, රට පුරා ඇති ලක් සතොස වෙළෙඳ සැල්වලින් මෙම ලංකා අල මිලදීගත හැකි බවත් ආණ්ඩුව පවසයි.
'දිනමිණ' සඳහන් කරන පරිදි, බදුල්ල ප්රදේශය තුළ මිලදී ගැනීමේ මධ්යස්ථාන ගණනාවක්ද පිහිටුවා තිබේ. ගොවීන් මේ වන විට කිසිදු බාධාවකින් තොරව අර්තාපල් තොග විකුණා ගැනීම් සිදු කරගෙන යයි. අල ගොවීන් නොවන පුද්ගලයන් පිටස්තර පළාත්වලින් ගෙන්වා ඔවුන් අල ගොවීන් ලෙස පෙනී සිටිමින් උද්ඝෝෂණය කිරීමට සැලසුම් කර ඇත.
බදුල්ල ප්රදේශයේ අල ගොවීන්ට සිය අස්වනු විකුණා ගැනීමට නොහැකි බව පෙන්වීමේ අරමුණින් ඉදිරි දිනවලදී ගොවීන් නොවන පිරිස් කොළඹ හා පිට පළාත්වලින් ගෙන්වා ගෙන උද්ඝෝෂණ ව්යාපාර ක්රියාත්මක කිරීමට විපක්ෂය කුමන්ත්රණ කරමින් සිටින බව 'දිනමිණ' පුවත්පත අනාවරණය කරයි.
Leave a comment