ආණ්ඩු පක්ෂ මන්ත්‍රීවරුන් සඳහා මිට මාස කිහිපයකට පෙර බේරුවලදී පැවති වැඩමුළුවේදී නව ආණ්ඩුක්‍රම ව්‍යවස්ථා සංශෝධනයක් පිළිබඳව සාකච්ජා වූ අතර, ඒ අනුව සැකසු යෝජනා වලියක් අමාත්‍ය විමල් විරවංශ මහතාගේ ජාතික නිදහස් පෙරමුණ විසින් මිට ඉහතදී ජනාධිපතිවරයා වෙත ඉදිරිපත් කළේය.
බේරුවල සාකච්ජාවට අනුව ශ්‍රී ලංකා නිදහස් පක්ෂය වෙනුවෙන් ගම්පහ දිස්ත්‍රීක් පාර්ලිමේන්තු වසන්ත සේනානායක මහතා සැකසු යෝජනාවලිය, ඔහු මිට ඉහතදී ආණ්ඩුක්‍රම ව්‍යවස්ථාවක් සඳහා වූ පාර්ලිමේන්තු තේරීම් කාරක සභාවටද පෞද්ගලික යෝජනාවක් ලෙස ද ඉදිරිපත්කර තිබිණ.
ආණ්ඩුක්‍රම ව්‍යවස්ථා සංශෝධන පිළිබද කතිකාව පසුගිය වසර කිහිපය පුරාවට නොමැකී පැවති විෂය පථයක් ලෙස හදුනා ගත හැක. ඒ අනුව විපක්ෂයේ පක්ෂ කිහිපයක් සහ සන්ධාන රජයේ ඇතැම් පක්ෂ ද මේ සම්බන්ධයෙන් විවිධ ආණ්ඩුක්‍රම ව්‍යවස්ථා සංශෝධන යෝජනා මාධ්‍ය හරහා එළිදක්වා ඇත.
ආණ්ඩුක්‍රම ව්‍යවස්ථා සංශෝධන සදහා වන පාර්ලිමේන්තු කාරක සභාව වෙත ජනතා යෝජනා කැදවු අවස්ථාවේදී විවිධ වෘත්තීය පසුබිම් වලින් යුතු තරුණ කොටස් වලින් සැදුම්ලත් කණ්ඩායමක් සමග සාකච්ජා කොට ඔවුන්ගේ අදහස්ද කැටිකොට වසන්ත සේනානායක මහතා විසින් පාර්ලිමේන්තු තේරීම් කාරක සභාවට ඉදිරිපත් කල යෝජනා ශ්‍රී ලංකා නිදහස් පාක්ෂිකයකු විසින් අදාළ කාරක සභාව වෙත ඉදිරිපත් කල එකම යෝජනා මාලාව ද වේ.
ශ්‍රී ලංකා නිදහස් පක්ෂය විසින් ආණ්ඩුක්‍රම ව්‍යවස්ථා සංශෝධන පිළිබද ප්‍රතිපත්ති මාලාවක් කෙටුම්පත් කිරීම සිදුකිරීමට තීරණය කරන්නේ නම් එහිදී තමා විසින් ඉදිරිපත් කොට ඇති යෝජනා පිළිබද ද අවධානයට භාජනය කරන මෙන් සේනානායක මන්ත්‍රීවරයා ජනාධිපතිවරයා ගෙන් ඉල්ලා තිබේ.
එම යෝජනාවලිය පහත පළවේ.
